«Իմ գունեղ Երևան».տեղի ունեցավ Նոր Նորքի մշակույթի կենտրոնի սաների ցուցահանդեսը(լուսանկարներ)

Հուլիսի 12-ին «ՀԱՅ-ԱՐՏ» ցուցասրահում տեղի ունեցավ Նոր Նորքի մշակույթի կենտրոնի սաների աշխատանքների ցուցադրությունը՝ «Իմ գունեղ Երևան» խորագրով։ Ցուցահանդեսի ընթացքում իրենց աշխատանքները՝ նկարներն ու մոդելավորած հագուստները  ներկայացրին Թինա Փափախչյանի սաները։ «Ես նկարչություն ու հագուստի մոդելավորում եմ ուսուցանում, և բոլոր աշխատանքները կատարվել են մշակույթի կենտրոնում։ Սաները աշխատասեր են  ու սիրում են նկարել,մոդելավորել»,-ասաց Փափախչյանը։

Նա հայտնեց,որ  բոլոր աշխատանքներն արվել են մշակույթի կենտոնում,իսկ ցուցահանդեսին մասնակցում է շուրջ քսան եևեխա.Պետք է նշեմ, որ ցուցահանդեսին պատրաստվել ենք բավական կարճ ժամանակահատվածում՝ մեկ շաբաթում, բայց կային աշխատանքներ, որոնց վրա վաղուց աշխատել էին իմ սաները։ Մտածել էինք, որ եթե առաջիկայում ցուցահանդես լինի, ապա անպայման այդ աշխատանքները կցուցադրվեն։ Քանի որ այս տարի նշվելու է քաղաքամայր Երևանի 2800-ամյակը, առաջիկա ցուցահանդեները, միջոցառումները նվիրված են լինելու մեր սիրելի քաղաքին»։

Նա նշեց՝ իր ամենափոքրիկ աշակերտը 4 տարեկան է, իսկ ամենամեծը՝ 27։ Այնպես որ, եթե մարդը սիրում է և ուզում է ստեղծագործել, տարիքային ոչ մի սահմանափակում չպետք է լինի։ «Մենք միշտ ցանկանում ենք հանդես գալ ինչ-որ նորարարական լուծումներով, և այսօր մեր ներկայացրած նորությունն այն էր, որ երեխաները նկարել էին իրենց շապիկների վրա։ Լիահույս եմ, որ առաջիկայում կայանալիք ցուցահանդեսներում էլ ուրիշ կրեատիվ գաղափարներով հանդես կգանք», — նշեց Թինա Փափախչյանը։

Ցուցահանդեսին ներկա էր նաև Նոր նորքի մշակույթի կենտրոնի տնօրեն Ալվինա Հարությունյանը, ով մեր թղթակցի հետ զրույցում նշեց, որ Թինա Փափախչյանը կենտրոնի ամենաերիտասարդ մանկավարժն է․ նա լի է ավյունով ու իր սաներին ամեն անգամ նոր բաներ սովորեցնելու ձգտումով։ «Սա Թինայի սաների երկրորդ ցուցահանդեսն է։ Այստեղ նոր շունչ կա։ Երեխաներն, իսկապես, մեր սպասումներն արդարացրին։ Այստեղ կա անգամ հինգ տարեկան երեխանյի աշխատանք, որն ինձ հաճելիորեն զարմացրեց։ Նորանոր ստեղծագործական հաջողություններ եմ մաղթում Թինային ու իր սաներին», — եզրափակեց Ալվինա Հարությունյանը։