Վալերի Օսիպյանն այցելել է ճանապարհային ոստիկանություն. Լուսանկարներներ

Հուլիսի 4-ին ոստիկանության պետ Վալերի Օսիպյանը Հայաստանի ճանապարհային ոստիկանության 82-ամյակի կապակցությամբ այցելեց ճանապարհային ոստիկանություն: Այդ մասին տեղեկացնում է ՀՀ Ոստիկանության պաշտոնական կայքը:
Ոստիկանության պետը նախ եղավ օպերատիվ կառավարման կենտրոնում, որն ի դեպ աշխատանքը սկսել է ուղիղ մեկ տարի առաջ: Այս ընթացքում կենտրոնի 177 թեժ գիծը ստացել է շուրջ 200.000 ահազանգ, որոնց տրվել է համապատասխան ընթացք:

Վալերի Օսիպյանը ծանոթացավ նաև ճանապարհային ոստիկանության խախտումների արձանագրման կենտրոնի աշխատանքային պայմաններին, տվեց կոնկրետ հանձնարարականներ՝ ծառայության որակը բարձրացնելու ուղղությամբ:

Ճանապարհային ոստիկանությունում կայացավ ոստիկանության պաշտոնաթող գնդապետ Ժորա Բարսամյանի «Հայաստանի Հանրապետության ճանապարհային ոստիկանության անցած ուղին» գրքի շնորհանդեսը:
Գրքում առաջին անգամ ի մի է բերվել և հանգամանորեն ներկայացվել Հայաստանի ճանապարհային ոստիկանության ավելի քան 80 տարվա կատարած աշխատանքը:

Ելույթներ ունեցան ճանապարհային ոստիկանության պետ Եգոր Կարապետյանը, գրքի խմբագիրը և ոստիկանության վետերաններ, որոնք կարևորեցին հեղինակի կատարած ծավալուն աշխատանքը: Նշվեց, որ հավաքագրվել և ժողովածուում ամփոփվել են արխիվային բացառիկ նյութեր:

Ճանապարհային ոստիկանության մասնագիտական տոնի և գրքի լույս ընծայման կապակցությամբ շնորհավորական խոսք ասաց ոստիկանության պետ Վալերի Օսիպյանը:
Միջոցառման ավարտին ոստիկանության պետը գրքի հեղինակին պարգևատրեց «Ոստիկանություն 100-ամյակ» հոբելյանական մեդալով: