Արամ Սիմոնյանը սեպտեմբերին հրաժարական կտա. Ո՞վ է ԵՊՀ ռեկտորի ամենահավանական թեկնածուն
«Ժողովուրդ» թերթը գրում է. «Երևանի պետական համալսարանի շուրջ կրքերը չեն հանդարտվում: «Ժողովուրդ» օրաթերթի տեղեկություններով` օրերս 100 հոգի` երիտասարդ դասախոսներ, գնացել են ԵՊՀ ռեկտոր Արամ Սիմոնյանի բնակարան և պահանջել են թոշակառու դասախոսներին և գիտական աշխատանք չունեցող դասախոսներին կրճատել, միաժամանակ սպառնացել են, որ կրկին կվերսկսվի դասադուլների շարքը:
Սիմոնյանը ասել է, որ կգնա այդ քայլին, սակայն որոշ ժամանակ անց իր մտերիմների շրջապատում ասել է, որ կրճատումներ չի անի` «որևէ մեկի հացին վայիս չի լինի»: Ըստ մեզ հասած լուրերի` նա ասել է, որ սեպտեմբերին հրաժարական կտա, իսկ ամենահավանական թեկնածուն համարվում է ԵՊՀ Արևելագիտական ֆակուլտետի դեկան, թուրքագետ Ռուբեն Մելքոնյանը:
Նշենք, որ այս ֆակուլտետում է դասավանդում նաև ԿԳ նախարար Արայիկ Հարությունյանը: Մելքոնյանը մեզ հետ զրույցում էլ նշել է, թե իր՝ ռեկտոր դառնալու մասին առաջին անգամն է լսում: «Ռեկտոր կարող է դառնալ գիտությունների դոկտորը, իսկ ես գիտությունների դոկտոր չեմ, բայց պատրաստվում եմ պաշտպանել, բայց դա ենթադրվում է աշնանը»,- ասել է նա»:
Առավել մանրամասն՝ թերթի այսօրվա համարում:
Հետևեք մեզ Facebook-ում