Օսիպյանի կողմից Երևանի ոստիկանապետ է նշանակվել մի մարդ, ով հարվածել է դեմքիս (տեսանյութ)

Օսիպյանի կողմից Երեւանի ոստիկանապետ է նշանակվել մի մարդ, ով վիդեոյում պատկերված օրը հարվածել է դեմքիս, հետո տեղի ունեցածի հետ կապված հարուցված քրեական գործով կեղծ ցուցմունքներ է տվել:

Տարիներ շարունակ Armen Khachatryan-ի Vahe Grigoryan-ի ու այլ փաստաբանների հետ միասին հետևողականորեն պայքարել ենք այդ օրը տեղի ունեցածի բոլոր մեղավորներին, նաև էս մարդուն պատասխանատվության կանչելու համար, որովհետև Հայաստանում, ի վերջո, պետք է գա մի օր, որ լրագրողի նկատմամբ բռնություն կիրառողը իրական պատասխանատվության ենթարկվի:

Մի բան էր, երբ նախորդ իշխանությունների ժամանակ տեսանք, թե ոնց էս մարդը ոստիկանության կենտրոնի բաժնի պետից դարձավ Երևանի փոխոստիկանապետ, բայց այլ բան է, երբ նրա կարիերայի աճը շարունակվում է նոր իշխանության օրոք:

ՀՀ-ում ապօրինությունների դեմ սկսված շատ կարևոր պայքարի պայմաններում առավել ևս նման դեպքերն ու «հերոսները» չպետք է անտեսվեն:

Անի Գևորգյանի ֆեյսբուքյան էջից