Արայիկ Հարությունյանը՝ ԿԳՆ ներքին աուդիտի մասին (Տեսանյութ)

Անցած տարվի հատկացված 666 մլն դրամից շուրջ 280 մլնը չի ծախսվել, լրագրողների հետ զրույցում, անդրադառնալով ԿԳ նախարարության ներքին աուդիտի արդյունքներին, ասաց նախարար Արայիկ Հարությունյանը:

«Դա հետագայում ձևավորվել է որպես այս տարվա կանխավճար, իսկ այս տարվա գումարը շարունակում է նույնը մնալ», - նշեց նախարարը:

Նա ընդգծեց, որ հանձնարական է, որպեսզի ներքին աուդիտի կողմից ուսումնասիրվի 2015-ից սկսած գործունեությունը. «Պետք է տեսնել, թե այդ գումարների փոխատեղումներն ինչպես է լինում»:

Արայիկ Հարությունյանն անդրադառնալով նաեւ  Շիրակի համալսարանում ստեղծված իրավիճակին և նոր ռեկտորի ընտրությանը:

«Մենք չենք կարող որևէ ուսումնական հաստատության ստիպել որոշում կայացնել: Եթե նման քայլի գնաս, կվերածվես Սերժ Սարգսյանի իշխանության: ԿԳ նախարարությունն այս դեպքում փորձել է կողմերին հաշտեցնել, շփման եզրեր գտնել», - նշեց նա:

Նախարարը նշեց, որ իրավիճակն այնքան սրված չէ, որքան ներկայացվում է: Նրա խոսքով՝ դրանում համոզվել է Շիրակ կատարած այցի ժամանակ:

«Այս ընթացքում տարբեր բևեռներում գտնվող ուսանողները նստել են մեկ սեղանի շուրջ: Այդ քննարկումները շարունակվել են ու հաջող ընթացք ունեցել», - հավելեց նա:

Խոսելով համալսարանից հեռացված դասախոսների վերականգնման մասին՝ Հարությունյանն ասաց, որ ինքն իրավասություն չունի նման հանձնարարական տալու ռեկտորին:

«Նախարարը կարող է պարզապես դիրքորոշում հայտնել, որն արել է», - ասաց նա:

Մանրամասները՝ Zham.am-ի տեսանյութում:

Zham.am