Լույս է տեսել Լևոն Ռուխկյանի «Կորսված ԴՆԹ» վեպը

2018 թվականի հունիսի 9 – ին լույս է տեսել Լևոն Ռուխկյանի վեպը: «Կորսված ԴՆԹ» - այսպես է կոչվում հետաքրքրաշարժ դետեկտիվ պատմությունը, որ ընթերցողին առաջին իսկ տողերից տանում է դեպի խճճված, խարդավանքներով ու առեղծվածներով լի դեպքեր: Ժանրի սիրահարները վեպում կգտնեն այն ամենը, ինչը յուրահատուկ է դետեկտիվին՝ հին ժամանակներից պահպանվող սուրբ մասունքներ, թունավոր գազեր, սպանություններ , կողոպուտ և, իհարկե, գաղտնիքները բացահայտող ազգային անվտանգության ծառայության աշխատակիցներ:

Վեպի գործողությունները տեղի են ունենում ոչ այնքան հեռու ապագայում Էջմիածնում, Երևանում, Վատիկանում, Հռոմում, Վենետիկում և այլուր։ Վեպի սկզբում Էջմիածնի ստորգետնյա գանձարանում հայտնաբերվում է սպանված եկեղեցականի դի, և պարզ է դառնում, որ հափշտակվել է քրիստոնեական ամենաարժեքավոր մասունքներից մեկը՝ Սուրբ Գեղարդը։ Գիրքն ընթերցվում է չթուլացող լարվածությամբ, «մի շնչով»: Այն կարող եք ձեռք բերել Երևանի լավագույն գրախանութներից։

Zham.am