ԱԻՆ-ը կպարգևատրի երեք եղբոր և երկու քույրերին հրդեհից փրկած 10-ամյա աղջկան (լուսանկար, տեսանյութ)

ՌԴ ԱԻՆ-ը պատրաստվում է պարգևի արժանացնել 10-ամյա աղջկա, որը հրդեհից փրկել է իր եղբայրներին ու քույրերին: Հրդեհը բռնկվել է Բելգորոդի շրջանի առանձնատներից մեկում: Փրկության հերոսական պատմություն: 10-ամյա աղջիկը փրկեց երեք եղբայրներին ու երկու քույրերին:

Տունն ամբողջովին այրվել է: Երեխաների կյանքին ոչինչ չի սպառնում, իսկ նրանց փրկիչը բուժում է անցնում շրջանային մանկական հիվանդանոցում: 

Տան տիրուհին Օլգան այդ օրը գնացել էր վառարանի համար փայտ հավաքելու: Վեց երեխաները միայնակ էին մնացել տանը՝ ավագ դստեր՝ Յուլիայի հսկողության տակ: 

Հրդեհը բռնկվել է պատշգամբում, հոսանքալարի պատճառով: 

Առաջինը հրդեհը  նկատել է վեցամյա Կիրիլը: Նա խոհանոց էր գնացել ջուր խմելու: Վախից փոքրիկները թաքնվեցին տարբեր անկյուններում: Յուլիան հասկանում էր, որ նա է պատասխանատու երեխաների համար: Փորձեց հանգեցնել կրակը ջրով, սակայն ապարդյուն: Շնչառությունը դժվարանում էր: Աղջիկը խիստ ձայնով բոլորին կարգադրեց դուրս գալ այրվող տանից, նախօրոք բռունցքով կոտրելով սենյակի ապակին: Այնուհետև օգնության է հասել պատահմամբ տանից դուրս եկած հարևանը:

Երբ տունն ամբողջովին կրակի մեջ էր, միակ բանը, որի մասին մտածում էր փոքրիկ փրկարարը՝ անվտանգ դուրս բերել երեխաներին:

«Բարձր ձայն ունեմ, նրանք ինձ ենթարկվում են կես բառից, իսկ ես՝ արդեն վերջինը, կորցրեցի գիտակցությունս», - պատմեց փոքրիկ հերոսուհին:

Zham.am