Սիփան Փաշինյանի նշանակումը օրինական է. նախարար Սուրեն Պապիկյանի պարզաբանումը

«2014թ.-ի հունիսի 3-ի 737 N որոշում. պետական իշխանության մարմիններում քաղաքացիական աշխատանք կատարող և տեխնիկական սպասարկում իրականացնող անձանց պաշտոնի, դրույքաչափեր սահմանելու մասին.

Վերոնոշված որոշման 80-րդ կետում սահմանված են ընդհանուր մասնագիտությունները, իսկ Սիփան Փաշինյանի հաստիքը տեխնիկական ոլորտ սպասարկող հաստիք է, պարզապես անունը ` խորհրդական, կառուցվածքային ստորաբաժանումներում առանձին գործառույթներ համակարգող»,- Politik.am-ի հետ զրույցում ասաց Տարածքային կառավարման ու զարգացման նախարար Սուրեն Պապիկյանը, խոսելով Politik.am -ում հրապարակված` « Օրենքի խախտում՝ հանուն Փաշինյանի եղբոր տղայի. կարող է հարուցվել քրեական գործ» հոդվածի վերաբերյալ:

Պապիկյանը ընգծեց, որ Սիփան Փաշինյանի ստանձնած պաշտոնը, որը հայեցողական չէ, որևէ կերպ առնչություն չունի Հանրային ծառայության մասին ՀՀ օրենքի հետ:

Նախարարը նաև նշեց, որ Սիփան Փաշինյանը իր հանձնարարականով առանձին ստորաբաժանումներում որաշակի գորառույթներ է կատարում.

«Փաշինյանը տեխնիկական սպասարկում իրականացնող ստորաբաժանման մեջ է գտնվում, նա կցված է վերահսկողական վարչությանը »,-ավելացրեց Սուրեն Պապիկյանը:

Մեզ հետ զրույցում Պապիկյանը հավելեց, որ բոլոր նախարարություններում էլ օրինակելի կանոնադրությունը հաստատել է կառավարությունը, սակայն փուլ կա որը պետք է անցնի , ինչից հետո բոլոր հաստիքները կհաստատվեն , հիմա այդ գործընթացը ավարտվել է, և որևէ խնդիր չկա.

«Մենք չէինք կարող անգամ Հանրային ծառայության մասին օրենքի պահանջով սահմանված խորհրդականի հաստիքը օգտագործել մինչև չհաստատվի, թե քանի խորհրդական է բաժին ընկնում նախարարություններին: Կարող եմ նշանակել, սակայն կարող է նշանակվելու հետո այնպես ստացվի որ այդ հաստիքը կրճատվի , և ես տեղին չեմ համարում հիմա նշանակել և մեկ ամիս հետո այդ մարդուն ազատել աշխատանքից ասելով որ այդ հաստիքը այլևս կրճատված է»,- ասաց նախարարը:

Մեր այն հարցին , թե Սիփան Փաշինյանը մայիսի 25-ին նշանակված եղել է այդ պաշտոնին նախարարն ասաց.«Ամեն դեպքում, պրն Փաշինյանը, այդ օրն իմ կողմից արդեն հրավիրված է եղել, փաստաթղթավորման գործընթացն է տեղի ունեցել: Նա իմ խնդրանքով , իմ հրահանգով է գնացել այդ գործընթացի կարգավորման համար»:

Աղբյուրը՝ Politik.am