Սերժ Սարգսյանի 1in.am-ը կանխատեսում է, որ Կարեն Կարապետյանը չի մնա իշխանության մեջ, մինջև 2022 թվականը

Ինչպես հայտնի է այս կայքի իրական տերը Սերժ Սարգսյանն է: Հենց սկզբից այս կայքը «աշխատում էր Տեր-Պետրոսյանի դեմ, հետո Քոչարյանի, հետո Ծառուկյանի, հետո «Քառյայի»: Սկսած 2017-ի ապրիլից, այսինքն խորհրդարանական ընտրություններից անմիջապես հետո, կայքը իր տիրոջից պատվեր ստացավ «փչացնել» Կարեն Կարապետյանին: «Մավրն իր գործը կատարեց և արդեն պետք է հեռանա». ահա այդպիսին էր պատվերի բովանդակության իմաստը: Զարմանալի էր, բայց երկար ժամանակ Կարապետյանը չէր հասկանում այն, ինչ հասկանում էին բոլորը: Եվ ահա երբ Կարապետյանը փաստացի խոստովանեց իր պարտությունը, այս կայքը արդեն խմբագրականով հանդես եկավ, որի իմաստը այն էր, թե Կարապետյանի մնալը իշխանության մեջ ժամանակավոր է լինելու, որպեսզի անցումային փուլում կայունությունը չխաթարվի: Հատուկ Կարապետյանի համար նշենք, որ դա նշանակում է, որ Շեֆը որոշել է իրենից ազատվել մինջ 2022 թվականը, սակայն ենթադրում ենք, որ Կարապետյանին ամենաբարձր մակարդակով խոստացվել է 1-ին փոխվարչապետի պաշտոնը, մինջև 2022 թվականը:
Քանի որ Կարապետյանը ներիշխանական խարդավանքներից, մեղմ ասած, քիչ բան է հասկանում, նրան փորձենք հուշել հետևյալը: Կայքի այս խմբագրականը նշանակում է հետևյալը: Սկսած ապրիլի 19-ից Կարապետյանին «փչացնելու են» ամեն օր, որպեսզի նրա վարկանիշը վերջնականապես զրոյանա, որպեսզի հետո հանգիստ խղճով նրան հեռացնեն իշխանությունից Հովիկ Աբրահամյանի օրինակով: Վերջինս էլ էր կարծում , թե «քաղաքականությամբ զբաղվելու համար շատ խելք պետք չէ», թե ինչ եղավ նրա հետ, բոլորին է հայտնի: Կարապետյանը կարծում էր, որ ճիշտը՝ «քաղաքականությամբ ընդհանրապես պետք չէ զբաղվել», սակայն դա նրան չփրկեց, որովհետև հայտնի է, որ «ով չի զբաղվում քաղաքականությամբ, քաղաքականությունն է զբաղվում նրանով», և դա բնության ամենաարդար օրենքներից է, քանզի այս դաշտից հեռացնում է թույլ կամ պատահական մարդկանց:

Սա է իրականությունը:

Արտակ Հակոբյան

Հ.Գ.
Այսօրվա այս կայքի գլխավոր թիրախը Նիկոլն է, ինչը նշանակում է, որ Շեֆը Նիկոլից խիստ նյարդայնացած է, քանզի դարձել է հնարավոր ֆորս- մաժորի պոտենցիալ աղբյուր: