Խոշոր ավտովթար. 34-ամյա վարորդը ոչ սթափ վիճակում մոտ 70 մետր գլորվել է ձորը

Երեկ՝ ապրիլի 9-ին, խոշոր ավտովթար է տեղի ունեցել Վայոց Ձորի մարզում։

Ժամը 23։30-ի սահմաններում Վայոց Ձորի մարզի Արենի գյուղի բնակիչ՝ 34-ամյա Ալեքսան Կարապետյանը Երևան-Մեղրի ավտոճանապարհի 100-րդ կմ հատվածում իր վարած Mercedes մակնիշի 99 QG 998 համարանիշի ավտոմեքենայով դուրս է եկել ճանապարհի երթևեկելի գոտուց և մոտ 70 մետր գլորվելով՝ հայտնվել ձորում։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Ա. Կարապետյանը մարմնական վնասվածքներով տեղափոխվել է Եղեգնաձորի բժշական կենտրոն, որտեղ բժիշկները նրա առողջական վիճակը գնահատել են միջին ծանրության։

Վարորդին առաջինը օգնության են հասել քաղաքացիները և օպերատիվ են գործել Եղեգնաձորի հիվանդանոցի բժիշկները։

Վարորդը ենթարկվել է սթափության փորձաքննության. պարզվել է, որ նա ավտոմեքենան վարել է ոչ սթափ (խմած) վիճակում։

Մանրամասները՝ Shamshyan.com- ում