1in am-ը իսկական տեղեկատվական արշավ է սկսել Նիկոլ Փաշինյանի դեմ

Այն որ այս լրատվամիջոցը Սերժ Սարգսյանի գլխավոր տեղեկատվական գործիքներից է, հայտնի է բոլորին: Ժամանակին այդ «գործիքի» միջոցով պայքարում էին Տեր-Պետրոսյանի դեմ, հետո՝ Ռոբերտ Քոչարյանի, հետո՝ Ծառուկյաի, հետո՝ «Քառյակի» և այսպես շարունակ: Այդ լրատվամիջոցի քողը միշտ եղել է իբր իրենց «արևմտամետությունն» ու «լիբերալ» գործիչների հանդեպ «պոզիտիվ» դիրքորոշումը: Իհարկե, դա չէր խանգարում Հայաստանը ԵԱՏՄ-ի մեջ մտցրած գործող նախագահին համարել «չարյաց փոքրագույն»՝ 1-ն և 2-րդ նախագահների համեմատ, որոնց ժամանակ, ի դեպ, Հայաստանը երբեք այսքան կախվածության մեջ չէր ընկել Մոսկվայից:

Սակայն այն, ինչ կատարվում է այս օրերին, պարզապես աննախադեպ է : Այս լրատվամիջոցի գլխավոր թիրախը դարձել է… Նիկոլը: Այն Նիկոլը, որին ըմդամենը մեկ տարի առաջ աջակցում էր: Ինչն է փոխվել, կհարցնի շարքային ընթերցողը: Փոխվել է այն, որ այսօր առաջին անգամ Նիկոլը սկսել է լուրջ նյադայնացնել գործող նախագահին: Լրատվամիջոցը սկսել է իսկական տեղեկատվական արշավ՝ այս անգամ արդեն ընդդեմ Նիկոլի: Հիշել են Նիկոլի բոլոր հին թշնամիներին: Եվ տպավորությունն այնպիսին է, որ Նիկոլը պատրաստվում է «մեծ հանցանք» կատարել, որը պիտի կանխվի:

Արդյունքում, Շարմազանովը, Արամ Զավենիչը, Մարուքյանը, Աշոտյանը, Դավիթ Շայնազարյանը խոսում են գրեթե նույն բառապաշարով, և դա հասկանալի է, որովհետև նրանք բոլորն էլ կառավարվում են նույն կենտրոնից: Սակայն հետաքրքիրը այն է, որ այս ամենը ցույց է տալիս, որ Սերժ Սարգսյանը խիստ նյարդայնացած է, և դա արտացոլվում է այս գործիչների պահվացքի վրա:

Իսկ թե ինչից է նյարդայնացած գործող նախագահը, կներկայացնենք մեր հաջորդ հոդվածում:

Արտակ Հակոբյան