Ե՞րբ են Էդմոն Մարուքյանն ու Արամ Սարգսյանը պաշտոնապես միանալու ՀՀԿ-ին

Այն որ այսօր արդեն նրանք միասնական թիմ են դարձել, գրեթե ոչ ոք չի կասկածում: Էդմոնը գործող նախագահի իշխանության պահեստի «երիտասարդ սերնդի ներկայացուցիչն է», իսկ Արամ Զավենիչը Գագիկ Հարությունյանի կողմից «հայրական» հովանու տակ գտնվող «ընտանիքի երեխան»: Նրանք իրականում երբեք էլ իշխանության ազդեցությունից դուրս չեն գտնվել: 2008-ին Զավենիչը մի պահ «մոլորվել էր» և ընկել Տեր-Պետրոսյանի ջրերը, սակայն այդ փուլը կարճ տևեց: Նա դեռ ակտիվորեն պետք է «աշխատեր» «քառյակի» դեմ, հրապարակավ ՀԱԿ-ից ընտրվեր պատգամավոր, իսկ հետո վայր դներ իր լիազորությունը՝ «համաձայն չլինելով» այդ կառույցի քաղաքական դիրքորոշումների հետ, հետո զբաղվեր քաղաքական խառնակչությամբ, իսկ հետո էլ «Ելք»-ի միջոցով դառնար պատգամավոր, որպեսզի զսպեր Նիկոլի «անկանխատեսելի» պահվածքը: Սակայն ամեն ինչ ունի իր սկիզբն ու վերջը: Գեղամյանի վերջը, օրինակ, եղավ 2008-ը, երբ ավարտելով իր «ընդդիմադիր» աշխատանքը իշխանությունների մոտ, նա պաշտոնապես դարձավ ՀՀԿ-ի կողմից պատգամավոր:

Կարծում ենք, որ Արամ Զավենիչի ու Մարուքյանի «ընդդիմադիր» գործունեության պաշտոնական ավարտը նախատեսված է 2022-ին, որից հետո նրանք պետք է ընդգրկվեն «նորացված ՀՀԿ»-ի կազմի մեջ:

Դա են հաստատում նաև մեր իշխանության աղբյուրները: Իսկ այսօր նրանց գլխավոր առաքելությունն է՝ թույլ չտալ, որ Նիկոլը «փողոցը» տաքացնի, քանզի դրանով կարող է ինդիկոտոր կատարել հետագա իրապես անկանխատեսելի գործընթացների համար:

Արտակ Հակոբյան