Ի՞նչ եք բոցաշունչ ելույթներ ունեում` կուրծք ծեծելով. Մ.Մելքումյանը` ՀՀԿ պատգամավորին (Տեսանյութ)

Այսօր Ազգային ժողովում ԲՀԿ խմբակցության պատգամավոր Միքայել Մելքումյանը¸ հարց ուղղեց ՀՀԿ խմբակցության պատգամավոր¸ Սոցիալական հարցերի մշտական հանձնաժողովի նախագահ Հակոբ Հակոբյանին կուտակային կենսաթոշակային համակարգի մասին: Մելքումյանը հարցի սկզբում նշեց¸ որ¸ որ 2016 թվականի բյուջեով կուտակայինի համար ներդրվել է 26 մլդ դրամ¸ իսկ 2017թվականի բյուջեով 28 մլդ դրամ¸ որտեղ ներառված չէ մասնավոր հատվածը:

«Արդյոք այդ երկու միլիարդը նշանակում է¸ որ նորից պատրաստվում են հետաձգել մասնավոր հատվածը¸ խնդրում եմ կոնկրետ պատասխանել՝ ելնելով բյուջեի թվից: Եվ երկրոդ՝ չեք քկարծու՞մ¸ որ այս միլիարդները դնել բյուջեի մեջ¸ նշանակում է վարել խիստ անարդյունավետ քաղաքականություն¸ 40 տարի հետո չիմանալով¸ թե ինչ է սպասվում: Խնդրում եմ ցույց տվեք օրենքի այն տեղը¸ թե ինչ է լինելու¸ երբ դրամը արժեզրկվի»¸-հարցրեց Մելքումյանը:

Հակոբյանը դարձյալ ընդհանրական պատասխան տվեց՝ նշելով¸ որ կենսաթոշակները լուծելու այլ սխեման չեն գտել և ընտրել են այս տարբերակը: Պատասխանը հունից հանեց Միքայել Մելքումյանին

«Պարոն Հակոբյան¸ Դուք ստեղ հայրենասիրական բոցաշունչ կոչ եք անու՞մ¸ ես Ձեզ կոնկրետ ասում եմ պատասխանեք՝ 2 մլրդը՝ 26-ը դարձել է 28¸ մասնավորը մտնելու՞ է դրա մեջ¸ ասում եմ՝ հա՞ թե՞ չէ: Ի՞նչ եք բոցաշունչ ելույթներ ունեում¸ կուրծք ծեծելով¸ հստակ բաներ խոսեք»:

Հաբոյանը¸ դարձյալ ընդհանրական պատասխանելով¸ ասաց¸ որ դեռ մասնավորի հատվածի համար քննարկումներ պետք է լինեն: «Դա ձեր գործ չէ¸ կգա կառավարություն՝ որոշում կկայացվի»:

Գալուստ Սահակյանն էլ խնդրելով¸ Հակոբյանին զբաղեցնել իր տեղն ասաց.
«Խնդրում եմ հարցերը շատ կոռեկտ տվեք¸ էդպես ձենը բարձրացնելով¸ մեղմ ասած¸ լավ բան չի դա»:

Zham.am