Տնտեսության գահավիժմանը զուգընթաց աճում են ընտրակաշառքի թվերը

Վերջին տարրիների ընթացքում միակ բանը¸ որը «հաջողվել է» ապահովել իշխանություններին, դա տնտեսության շարունակական և կայուն անկումն է: Բոլոր՝ թե´ մակրո¸ թե´ միկրո տնտեսական ցուցանիշները գալիս են դա ապացուցելու: Եվ ահա¸ այսօր մամուլում տեղեկություն հրապարակվեց այն մասին¸ որ 2016թ. պետական բյուջեով, ըստ տարեկան ճշգրտված պլանի, հարկային եկամուտները պետք է կազմեին 1 տրիլիոն 162 մլրդ 778,8 մլն դրամ։ Այնինչ, ըստ պաշտոնական փաստաթղթերի՝ հավաքագրվել է 1 տրիլիոն 79 մլրդ 689.1 մլն դրամ՝ նախատեսվածից ավելի քան 83 միլիարդ դրամ պակաս։ 

Այն էլ այս ցուցանիշը հնարավոր է եղել ապահովել միայն այն բանի շնորհիվ¸ որ հարկայինը կարողացել է գերվճարներ կամ կանխավճարներ հավաքագրել բյուջե՝ 138 մլն դրմի չափով: Ներկայացված տվյալները ևս մեկ անգամ խոսում են այն բանի մասին¸ որ 2008-ից ի վեր Հայաստանում իրկանացվող տնտեսական քաղաքականությունը¸ որի հիմնական նպատակն է գերկենտրոնացնել և գերմոնոպոլիզացնել դաշտը մեկ մարդու ձեռքերում¸ բացասական ազդեցություն է ուենում Հայաստանի տնտեսության վրա¸ ինչն իր հերթին հանգեցնում է մարտունակության թուլացմանը և նրան¸ որ հայ զինվորը ստիպված է մարտնչել 80-ականների զենքերով և հույսը դնել նրա վրա¸ որ «կոնսերվի» բանկաները ճիշտ ժամանակին կազդարարեն թշնամու մոտեբնալու մասին:

Սակայն այս ամենի կողքին կա ևս մեկ ցուցանիշ¸ որը նույնպես արտացոլում է վերջին տարիներին իշխանությունների կողմից իրկանացված քաղաքականության արդյունքը: Ըստ շրջանառվող լուրերի¸ Ազգային ժողովի սպասվելիք ընտրութունների ժամանակ իշխող կուսակցության ներկայացուցիչները անհավանական չափսերի հասնող կաշառք են բաժանելու: Կան տեղեկություններ¸ որ այդ կաշառքի չափը հասնում է մինչև 100 դոլար:

Համաձայնվեք՝ շատ հետաքրքիր պատկեր է ստացվում. տնտեսութունը գահավիժում է¸ աղքատությունն ու գործազրկությունը դարձել են սովորական երևույթ¸ օտարերկրյա ներդրողները Հայաստանից ավելի շատ են խուսափում¸ քան Բերմուդյան եռանկյունուց: Բայց այս ամենի կողքին մենք տեսնում ենք¸ որ իշխանության ներկայացուցիչների ձեռքերում այնքան մեծ կապիտալ է կուտակվել¸ որ Ազգային ժողովի պատգամավորի մանդատը ստանալու համար պատրաստ են ծախսել անգամ 8 մլն դոլար:

Իրականությունը կայանում է նրանում¸ որ եթե գալիք ընտրություններում Սերժ Սարգսյանի կուսակցությունը կեղծիքների¸ կաշառքների և այլ ոչ օրինական միջոցների շնորհիվ կարողանա կրկին քաղաքական մեծամասնություն ստանալ¸ ապա տնտեսության վիճակն էլ ավելի կվատթարանա¸ աղքատությունը կաճի¸ իսկ բանակը կշարունակի հույսը դնել դարն ապրած զենքերի վրա:

Տիգրան Ափունց