Սկսվեց Լոռի հեռուստաընկերության գլխավոր խմբագիր Նարինե Ավետիսյանի լրագրողական մասնագիտական գործունեությունը խոչընդոտելու գործի քննությունը

Այսօր՝ 2018 թ. մարտի 22-ին, Լոռու մարզի ընդհանուր իրավասության դատարանում սկսվեց Լոռի հեռուստաընկերության գլխավոր խմբագիր Նարինե Ավետիսյանի լրագրողական մասնագիտական գործունեությունը խոչընդոտելու գործի քննությունը:

Հիշեցնենք՝ դեպքը տեղի է ունեցել 2017 թ. սեպտեմբերի 28-ին Վանաձոր քաղաքի Սուրբ Աստվածածին եկեղեցու հարակից կամրջի վրա, երբ Նարինե Ավետիսյանը փորձել է նկարահանել հորդառատ անձրևի տակ իրականացվող ասֆալտապատման աշխատանքները:

Նրա իրավունքների պաշտպանությունն ստանձնել են ՀՔԱ Վանաձորի գրասենյակի նախագահ Ա. Սաքունցն ու Կազմակերպության փաստաբան Ս. Սողոմոնյանը:

Վ. Խաչատրյանն ու Տ. Նազարյանն մեղադրվում են ՀՀ Քրեական օրենսգրքի 164 հոդվածի 1-ին մասով նախատեսված արարք կատարելու մեջ (Լրագրողի մասնագիտական օրինական գործունեությանը խոչընդոտելը):

Այսօր դատական նիստը ուշացումով սկսվեց. պատճառը ամբաստանյալների ու նրանց պաշտպան Գ. Գալիկյանի ուշացումն էր:

Դատական նիստն սկսելուն պես ամբաստանյալները հայտարարեցին, որ չեն ցանկանում տեսա և լուսանկարահանվել: Նախագահող դատավոր Լ. Աբգարյանն էլ պնդեց, որ դա անձնական կյանքի միջամտություն է, և լրագրողներին հորդորեց տեսանկարահանում իրականացնել դատական նիստի առաջին 5 րոպեների ընթացքում: Նրա պնդմամբ՝ լրագրողները խոչընդոտում են դատարանի բնականոն աշխատանքը:

Ավելին՝ ԱՅՍՏԵՂ

Նարինե Եգանյան /Narine Yeganyan
Հասարակայնության հետ կապերի մասնագետ /PR Specialist
Հելսինկյան Քաղաքացիական Ասամբլեայի Վանաձորի գրասենյակ /Helsinki Citizens' Assembly Vanadzor Office

Tigran Mets 59, Vanadzor, Armenia
Tel: +374 322 72268
Fax: +374 322 41236
Mobile: +374 77 342268
Web site: www.hcav.am
https://youtu.be/IxI6w3RLTkU
https://youtu.be/hlTHD94B04s