Ֆրանսիայում ձերբակալվել է նախկին նախագահ Սարկոզին

Ֆրանսիայի ոստիկանությունը ձերբակալել է երկրի նախկին նախագահ Նիկոլա Սարկոզիին, հաղորդում է Reuters լրատվական գործակալությունը՝ վկայակոչելով դատական համակարգում իր աղբյուրները:

Գործակալության տվյալներով՝ Սարկոզիին ձերբակալել են նրա նախընտրական քարոզարշավի ֆինանսավորման գործով հետաքննության շրջանակում հարցաքննության համար:

2012թ. գարնանը ֆրանսիական Mediapart պարբերականը փաստաթղթեր էր հրապարակել, որոնցում նշված էր Նիկոլա Սարկոզիի նախագահական քարոզարշավի համար լիբիական ռեժիմի կողմից 50 միլիոն եվրոյի փոխանցման մասին: Այս գործի դատավարությունը Ֆրանսիայում շարունակվում է մինչև այսօր:

Նիկոլա Սարկոզին ֆրանսիացի պետական և քաղաքական գործիչ, Ֆրանսիայի Հանրապետության 23-րդ նախագահ (2007—2012)։ Որպես նախագահ, իր պաշտոնով համարվում էր Անդորրայի իշխան և Պատվավոր Լեգեոնի շքանշանի գրոսմայստեր։

Zham.am