Բացարձակ առաջատար. Նախնական տվյալներով Պուտինը հավաքել է ձայների ավելի քան 76,67% (Տեսանյութ)

Ռուսաստանի Դաշնության գործող նախագահ Վլադիմիր Պուտինը մարտի 18-ին կայացած նախագահական ընտրություններում հավաքում է 76,67% ձայն՝ քվեաթերթիկների 99,75%-ի մշակումից հետո։

Ինչպես հայտնել են ԿԸՀ-ից, գործող նախագահն իր կարիերայի ընթացքում ընտրողների ռեկորդային քաղաքական աջակցությունն է վայելում. նրա օգտին է քվեարկել 54,4 մլն քաղաքացի, ինչը 5,1 մլն-ով ավելի է 2004 թվականի ցուցանիշից։ 

ՌԴ Կոմունիստական կուսակցությունից թեկնածու Պավել Գրուդինինը հավաքում է 11,79%, Ռուսաստանի լիբերալ-դեմոկրատական կուսակցության ղեկավար Վլադիմիր Ժիրինովսկին՝ 5,66%, հեռուստառադիոհաղորդավարուհի Քսենիա Սոբչակը՝ 1,67%, «Յաբլոկո»-ի ղեկավար Գրիգորի Յավլինսկին՝ 1,04%, Բորիս Տիտովը՝ 0,75%, Մաքսիմ Սուրայկինը՝ 0,68%, Սերգեյ Բաբուրինը՝ 0,65% ձայն։

Նմտնք նաեւ, որ Վլադիմիր Պուտինը ընտրություններից հերո հանրահավաք-համերգին հայտարարել է, որ Ռուսաստանը դատապարտված է հաջողության։

Նրա խոսքով, հաջողության հասնելու համար երկիրը պետք է ձեռնամուխ լինի լայնածավալ աշխատանքի։

«Շնորհակալություն, որ կա այսպիսի հզոր բազմամիլիոնանոց թիմ։ Մեզ հաջողությունն է սպասում։ Այո՛։ Շատ կարևոր է այս միասնությունը պահպանելը»,-հայտարարել է Պուտինը։

Նա դիմել է միջոցառման մասնակիցներին․ «Մենք դատապարտված ենք հաջողության, այդպե՞ս է։ Միասին ձեռնամուխ կլինենք մեծ, լայնամասշտաբ աշխատանքի հանուն Ռուսաստանի»,-ասել է ՌԴ նախագահը:

Zham.am