Թուրքիայում մոլեգնում է հակահրեական դավադրությունը

Վերջին ժամանակներս Թուրքիայում իսկական հակահրեական հիստերիա է սկսվել տաքսիսիստների մոտ, կապված այն հանգամանքի հետ, որ այդ երկիր է պատրաստվում ներխուժել հանրահայտ Uber ընկերությունը: Մեր ընթերցողներին պարզաբանենք, որ սա մեր «GG»-ի կամ «Yandex» տաքսիի համաշխարհային անալոգն է:

Թուրք տաքսիստների համար, դա կարող է մահացու լինել, քանզի դրա արդյունքում կարող են տաքսիստների 90 տոկոսը սննկանալ: Պարզվում է, տաքսի վարելու լիցենզիան այս երկրում շատ թանկ է, այն արժե մոտ 500 000 դոլար: Եվ շատերը վարկ են վերձնում և ողջ կյանքը տաքսի վարելով, փակում են այն: Միջինը տաքսի վարողի ամսեկան եկամուտը կազմում է, 2.500-3000 դոլար: Եվ իրենց վերցրած վարկը կարող են փակել 20 տարվա ընթացքում: Եվ ահա տաքսիստներին տեղեկացնում են, որ շուկա է պատրաստվում մտնել Uber-ը: Հասկանալի է, որ սա կլինի շարքային տաքսի վարորդների կարիերայի վերջը: Դրա համար էլ, նրանց կարծիքով, սա համաշխարհային դավադրություն է իրենց դեմ: Որպեսզի հասարակ քաղաքացիները «ըմբռնումով» ընկալեն, տաքսիստների արհմիությունը որոշել է քաղաքականացնել այդ պայքարը, նշելով, որ Uber-ի հետևում կանգնած են, իբր համաշխարհային հրեական կառույցները, որոնց նպատակն է կազմաքանդել թուրքական տնտեսությունը, սոցիալական լարվածություն առաջացնել և վերջում տրոհել Թուրքիան:

Տաքսիստները հույս ունեն, որ իրենց բողոքի միջոցով կկարողանան կասեցնել իրենց համար կործանարար այս որոշումները, և թույլ չեն տա , որ ինտերնետային տաքսի ծառայությունները գերակա դիրք ունենան երկրի տաքսի շուկայում:

Հասմիկ Գրիգորյան