Մոսկվան պատրաստ է կառուցողական երկխոսություն սկսել Երևանի հետ բուսասանիտարական վերահսկողության վերաբերյալ․ Օվերչուկ

«Խնդիրը նրանում չէ՝ Հայաստանում ուշքի կգան, թե ոչ, այլ նրանում, որ պետք է պահպանվեն բուսասանիտարական վերահսկողության պահանջները։ Բնականաբար, մենք պատրաստ ենք կառուցողական երկխոսության։ Սակայն, ցավոք, տեսնում ենք, որ հայկական կողմի մոտ կան որոշակի խնդիրներ, և, համապատասխանաբար, այդ հարցերի շուրջ երկխոսություն է ընթանում»,- ասել է Օվերչուկը։

ՌԴ փոխվարչապետը հիշեցրել է, որ վերջերս ՌԴ գյուղատնտեսության նախարար Օքսանա Լուտը Հայաստանի էկոնոմիկայի նախարարի հետ հանդիպման ժամանակ բարձրացրել էր Հայաստանից Ռուսաստան ներմուծվող բանջարեղենի և մրգերի հետ կապված խնդիրները։

«Խոսքը այն մասին չէ, որ դրանք անորակ են, այլ այն, որ դրանցում առկա են վնասատուներ և հիվանդություններ»,- պարզաբանել է Օվերչուկը։