Պատերազմ, զոհեր, կորուստներ և՝ պարգևավճարներ, սա է այս իշխանության դեմքը. Էդգար Ղազարյան

«Այս իշխանությունների հանդիպումների ժամանակ տեղի է ունեցել պետությունների ղեկավարների փակ ծրարների փոխանակություն, որոնց բովանդակության մասին մինչ օրս ոչ ոք տեղեկություններ չունի։ Այս գաղտնի պայմանավորվածությունները, շրջանցելով այն միջազգային ձևաչափը, որը լուծարվեց 2025 թվականի օգոստոսի 8-ին Վաշինգտոնում ի թիվս այլ փաստաթղթերի՝ այդ թվում «խաղաղություն» կոչվող փաստաթղթի նախաստորագրում, շրրջանցելով դեռևս այդ ժամանակ գործող ձևաչափը, մեծ զորավարը գնաց պատերազմի»,- ԱԺ ամբիոնից հայտարարեց «Ուժեղ Հայաստան» խմբակցության պատգամավոր Էդգար Ղազարյանը՝ շարունակելով.

«Գնաց պատերազմի՝ մեր ժողովրդին պատճառելով անդառնալի մարդկային կորուստներ, հազարավոր երիտասարդների կյանք։

Ղազարյանը հիշեցրեց, որ այդ օրերին Պաշտպանության բանակին պատճառվեց 5 մլրդ դոլարի վնաս, իսկ Արցախի քաղաքացիական ենթակառուցվածքներին՝ 100 մլրդ դոլարից ավել։

«Դրա դիմաց ինչ են ստացել այս ամենի հեղինակները՝ պարգևավճարներ, պարգևատրել են իրենք իրենց, օրենքով չնախատեսված, ֆինանսավորումից դուրս, ձեռք են բեել տներ ու առանձնատներ՝ տնավեր դարձնելով հազարավոր մարդկանց»,- հայտարարեց ընդդիմադիր պատգամավորը։

 Նա ասաց, որ այդ պատերազմի արդյունքները վերածվել են կապիտուլյացիայի, որին հաջորդել է 2021 թվականի պատերազմը, այնուհետև 2022 թվականին հարձակումը Ջերմուկի վրա և Արցախի հայաթափումը։

«Պատերազմ, զոհեր, կորուստներ և՝ պարգևավճարներ, սա է այս իշխանության դեմքը»,- հայտարարեց Ղազարյանը և հավելեց.

«Այստեղ պատգամավորին հարցնում են, թե քեռին ոնց է, նա ուրախությամբ պատասխանում է՝ փառք Աստծո, լավ է քեռին։ Թող լավ լինի քոռին, բայց իմ քեռին չի կարա լավ լինի, որովհետև նրա անվանակից թոռնիկը ՝ Աղաջան Ջանոյանը, որի մկրտության կնքահայրն եմ ես, Մխիթար հերացու անվան բժշկական համալսարանի առաջին կուրսի ուսանողը, զոհվել է այդ պատերազմում։

Իմ քեռին և ես արդեն երբեք չենք կարող լավ լինել։ Մենք լավ կլինեինք, եթե Աղաջան Ջանոյանը դառնար իր երազանքի ռազմական բժիշկը, և փրկեր մեր զինվորների կյանքը, որը սրիկայաբար փորձում եք շահարկել այստեղ»։

 Նիստաը վարող Հայկ Կոնջորյանն սպառնաց. «Պարոն Ղազարյան, ձեզ կոռեկտ պահեք, ձեր ոչ կոռեկտ և անբարտավան պահվածքի պատճառով, զգուշացնում եմ, որ հաջորդ անգամ նման պահվածքից հետո, եթե դուք չինքնաէվակուցվեք այս դահլիճից՝ ձեզ էվակուացնելու են և դուրս են շպրտելու ԱԺ շենքից»։

 Դրանից հետո ՔՊ-ական Սիսակ Գաբրիելյանը վիրավորեց Էդգար Ղազարյանին և վեճը շարունակվեց ԱԺ միջանցքում:
--
Փաշինյանի Կոնջորյանը, ի դեպ, սպառնաց Ղազարյանին դուրս շպրտել Ազգային ժողովից: Այսինքն, Փաշինյանի Կոնջորյանը դիտողություն արեց Ղազարյանին՝ «սրիկայություն» բառի համար, դա բնորոշեց որպես ամբարտավանություն, բայց ինքն, իրեն թույլ տվեց առավել քան չափերն անցնել: 
Այ թե ինչ է լինում, երբ  անգամ իրենց կեղծած տվյալներով հազիվ 49 տոկոս ստացած, Արցախն ուրացած, Արարատն ուրացողները մնում են իշխանության...