Ցնծացե՛ք, ՔՊ-ականնե՛ր. Ադրբեջանցի մասնագետները վերլուծություն են անցկացրել Հայաստանում և որոշել են այն վայրերը, որտեղ կարող են տեղադրվել էլեկտրահաղորդման գծի հենարաններ. Իլհամ Ալիև

Իլհամ Ալիևը հայտարարել է TRIPP նախագծի շրջանակներում Հայաստանի միջով էլեկտրահաղորդմանգծի անցկացման նախագծի նախապատրաստման մասին։

Ալիևի խոսքով՝ ադրբեջանցի մասնագետներն արդեն վերլուծություն են անցկացրել Հայաստանում ևորոշել են այն վայրերը, որտեղ կարող են տեղադրվել էլեկտրահաղորդման գծի հենարաններ։

Ադրբեջանը հույս ունի, որ հայկական կողմը «չի հետաձգի այս հարցի լուծումը»։

Ալիևի խոսքով՝ եթե Մեծամորի ատոմակայանը փակվի, Հայաստանը «կարող է բախվել լուրջէներգետիկ ճգնաժամի, և լրացուցիչ էներգիայի աղբյուր ունենալը օգտակար կլինի»։

Ալիևը նաև այլ հայտարարություններ է արել այսպես կոչված` «Զանգեզուրի միջանցքի» և Եվրամիության հետաքրքրությունների մասին.

«Զանգեզուրի միջանցքի ստեղծումը մեր նախաձեռնությունն էր։ Ադրբեջանի հիմնական մասիկապը նրա անբաժանելի մասի՝ Նախիջևանի հետ մեր վաղեմի երազանքն էր»,- Նախիջևանում հայտարարել է Իլհամ Ալիևը:

«Մենք վստահորեն և շատ հմտորեն շարժվում էինք, մոտենում էինք այդ նպատակին և արդեն մոտեցել ենք դրան»,- ասել է նա` ավելացնելով, որ Նախիջևանը կդառնա անփոխարինելի տրանսպորտային հանգույցներից մեկը։

«Իհարկե, այստեղով (այսպես կոչված «Զանգեզուրի միջանցքով»՝ խմբ.) ենթադրաբար 15 միլիոն տոննա բեռի՝ իսկ գուցեև ավելի մեծ ծավալի, անցումը մեծ աշխուժության կհանգեցնի։

Կբացվեն ավելի շատ աշխատատեղեր, կբարձրանա տնտեսական ակտիվությունը, և Նախիջևանը, կարող եմ ասել, կդառնա անփոխարինելի տրանսպորտային հանգույցներից մեկը։ Դա լիովին հնարավոր է»,- հայտարարել է Ալիևը։

Նա հայտարարել է նաև, որ Եվրամիության ներկայացուցիչները հետաքրքրված են Ադրբեջանի երկաթուղու Նախիջևանի հատվածին մասնակցությամբ։

Ըստ Ալիևի՝ ԵՄ ներկայացուցիչներն արդեն մեկնել էին Նախիջևան, որտեղ տեղում ծանոթացել են իրավիճակին։

Ադրբեջանի նախագահը նշել է, որ Եվրամիությունը, ինչպես նաև մի շարք այլ միջազգային կառույցներ ու պետություններ, հետաքրքրված է այս տրանսպորտային երթուղով և ցանկանում է դառնալ դրա մասնակիցը։

«Շատ միջազգային կառույցներ, որոշ երկրներ հետաքրքրված են այս երկաթուղով, հատկապես Ադրբեջանի երկաթուղիների Նախիջևանի հատվածով։ Դրանցից մեկը Եվրամիությունն է»,- ասել է Ալիևը։
Աղբյուր՝ 168.am