ԱՄՆ-ն և Իրանը տարաձայնություններ ունեն համաձայնագրի շրջանակներում

ԱՄՆ նախագահ Դոնալդ Թրամփը հայտարարել է, որ Իրանը համաձայնել է «անվերջ» միջուկային ստուգումներ անցկացնել, մինչդեռ Թեհրանն արձագանքել է՝  բանակցությունների ընթացքում նման զիջում չի արել։ Սա հարցեր է առաջացնում նրանց խաղաղության համաձայնագրի վերաբերյալ։

Reuters-ի փոխանցմամբ՝ երկու երկրները, որ երկուշաբթի օրը Շվեյցարիայում ավարտեցին բանակցությունների առաջին փուլը, նաև հակասական տեղեկություններ ներկայացրին Իրանի համար ֆինանսական խթանների, Հորմուզի նեղուցի վերահսկողության և Իսրայելի կողմից Լիբանանում զուգահեռ պատերազմի վերաբերյալ, որոնք բոլորն էլ պատերազմը դադարեցնելու նպատակով անցյալ շաբաթ ստորագրված շրջանակային համաձայնագրի հիմնական ասպեկտներն են։

Այնուամենայնիվ, Թրամփը հայտարարել է, որ Իրանի հետ բանակցությունները սահուն են ընթանում։ «Մենք բավականին լավ ենք լեզու գտնում», - ասել է նա Փենսիլվանիայում կայացած հանրահավաքի ժամանակ։

Միացյալ Նահանգները նաև մեղմացրել է Իրանի ֆուտբոլի աշխարհի առաջնությանը մասնակցող թիմի ճանապարհորդության սահմանափակումները՝ թույլ տալով նրանց Տիխուանա քաղաքից (Մեքսիկա) Սիեթլ մեկնել հաջորդ խաղից երկու օր առաջ՝ մեկ օրվա փոխարեն։

Reuters-ի հարցումները ցույց է տվել՝  ամերիկացիների 35%-ը կարծում է, որ ԱՄՆ-ն այժմ ավելի թույլ դիրքում է Իրանի հետ, քան պատերազմից առաջ, մինչդեռ 23%-ը կարծում է, որ այն ավելի ուժեղ դիրքում է։

Սենատի 50-48 ձայների հարաբերակցությամբ հաստատվել է Ներկայացուցիչների պալատի կողմից այս ամիս ընդունված բանաձևը, ինչը արտացոլում է նույնիսկ Թրամփի որոշ հանրապետականների շրջանում աճող մտահոգությունը փետրվարի 28-ին սկսված պատերազմի վերաբերյալ։ Սա առաջին դեպքն էր, երբ Կոնգրեսի երկու պալատներն էլ բանաձև էին ընդունել, որը նախագահին հանձնարարում էր ԱՄՆ զինված ուժերը դուրս բերել ռազմական գործողություններից՝ համաձայն «Պատերազմի լիազորությունների մասին» օրենքի, չնայած դեռևս պարզ չէր, թե ինչպես կարող են քվեարկությունները ազդել հակամարտության վրա։