Պատերազմի եռագլուխ դևը Նիկոլ Փաշինյան-Ալիև-Էրդողանն է. Քրիստինե Վարդանյան

«Իլհամ Ալիևն ուղիղ ասել է, որ ԵԱՀԿ Մինսկի խմբի ուղրեձներից մեկն այն էր, որ իրենք պետք է գնան և բանակցեն, երկրորդն՝ այն էր, որ այլ լուծում չկա, բացի բանակցությունները, երրորդը, որ Ադրբեջանը չի կարող պատերազմ սկսել, չորրորդը՝  եթե պատերազմ սկսի իր(Ադրբեջանի) դեմ պատժամիջոցներ կկիրառեն»,- ԱԺ ճեպազրույցների ժամին Ալիևի վերջին հայտարարությունից մեջբերում արեց «Հայաստան» խմբակցության պատգամավոր Քրիստինե Վարդանյանը։

Պատգամավորը փաստեց, թե դրանից երևում է, թե ինչ ոճով են վարվել բանակցությունները։

«Ինչպես եղավ, որ բանկացային գործընթացը խեղվեց և շեղվեց, որ Հայաստանը մենակ մնաց իր դեմ սանձազերծված պատերազմում, ու դրանից հետո էլ գործող իշխանությունը հպարտորեն հայտարարում է՝ դե մենակ մնացինք մեզ օգնող չեղավ։ Այս ամենը դատեք բանակցողների բանակցային հմտությւոններից»,-ասաց Վարդանյանը։

 Պատգամավորը հիշեցրեց, որ ՀՀ իշխանությունները հայտարարում էին, որ «արևամտյան Ադրբեջանի» թեման օգոստոսի 8-ի հայտարարությունից հետո փակվել է, բայց դրանից հետո ադրբեջանում ավելի շատ են այդ թեմայով խոսել, քան երբևե։

Պատասխանելով լրագրողի հարցին, թե ինչու ընդդիմությունը չի գալիս խորհրդարան՝ Վարդանյանը նկատեց, որ այն մարտավարությունը՝ հավելելով.

«Հարցուպատասխանին մեր չմասնակցելու պարագայում դուք տեսաք, թե որտեղից է գալիս ագրեսիան և հիստերիան։ Երբ մասնակցում ենք, ասում են՝ երկուսդ էլ իրար արժանի եք, մի սրեք այդ բառապաշարը, չենք ուզում լսել։ Ընդդիմությունը վերջին նիստերին չի գալիս, կար գորգռոցը, կար հիստերիա, կար վիրավորանքը ու տեսանք թե այն որտեղից է գալիս»։

 Մենք նպատակ չունենք մարտավարություն փոխել, նպատակ ունենք նպատակներ փոխելու հետ, որը երբեք չենք արել և չենք անելու։

Անդրադառնալով ընդդիմության համագործակցության մասին հարցին՝ Քրիստինէ Վարդանյանն ասաց. «Մենք էինք այն քաղաքական ուժը, որ նախընտրական շրջանում ասել ենք, որ այո, համագործակցություն պետք է, որովհետև ստեղծված քաղաքական իրավիճակը, չկա մի քաղաքակամ ուժ կամ անհատ, որ կարողանա միայնակ լուծել խնդիրը, ուրախ ենք որ գնում ենք այդ ճանապարհով։ Թույլ տվեք ասել, որ Նիկոլ Փաշինյանն իր գործողությամբ և հռետորիկայով ամբողջովին նպաստում է, որ ընդդիմությունը հասկանա իրականությունը և գնա այդ ճանապարհով»։

Ընդդիմադիր պատգամավորն անդրադարձավ նաև ԱԺ-ում Նիկոլ Փաշինյանի հնչեցրած որակումներին։

«Պատերազմի եռագլուխ դևը Նիկոլ Փաշինյան-Ալիև-Էրդողանն է։ Մենք պատերազմի այդ եռագլուխ դևի հետ համագործակցություն չենք պատկերացնում, պատկերացնում ենք պայքար իրենց դեմ ու առաջինը այդ դևի ամենախամաճիկ, կախված գլխի դեմ պայքարն է»,-ասաց Վարդանյանը և դիմեց ՔՊ-ականներին, թե հաղթանակ են տոնել, ինչ է կատարվում իրենց հետ, ինչու են ավելի ագրեսիվ, հիստերիկ,  գռեհիկ դարձել,  անգամ երբ մենակ են խորհրդարանում և եննթադրեց, որ ինչ որ մեկին խոստացել էին սահմանադրական մեծամասնություն , բայց չեն կարողացել ստանալ։

 Նա բացատրեց, թե ինչու «Հայաստան» դաշինքին չի հաջողվում իշխանափոխություն ապահովել՝ նշելով, թե որովհետև Հայաստանում տեռոր է մտքի, խղճի ազատությունների բոլոր տեսակների։

«Այնպիսի խախտումներ են տեղի ունեցել, որ աննախադեպ են անգամ Հայաստանի պատմության ընթացքում, ի վերջո ՀՀ պատմության մեջ երբևէ ուղիղ եթերում մի ամբողջ ուժի ձայներ չեն գողացվել և մի ուժ, ոչ թե ժողովրդի, այլ  ԿԸՀ-ի քվեարկությամբ դուրս չի թողնվել խորհրդարանից»,- ասաց ընդդիմադիր պատգամավորը։
Աղբյուրը` Panorama.am