Մոսկվան մտահոգվա՞ծ է Արմեն Սարգսյանի բրիտանական անձնագրով

Պարզվում է Արմեն Սարգսյանի բրիտանական անձնագիրը հետաքրքրել է ոչ միայն մեզ, այլև մեր ադրբեջանցի հարևաններին, որոնք կաշվից դուրս են գալիս՝ Մոսկվային ցույց տալու, որ իբր «հայերը պոտենցիալում դավաճանելու են Մոսկվային»:

Դրա համար մեր հարևանները իսկական քարոզչական աշխատանքներ են սկսել Ռուսաստանում՝ համոզելով վերջինիս, որ Երևանի վրա հույս դնելը զուր է: Այդ հարցում նրանք օգտագործում են ամեն ինչ: Եվ ահա հայստանյան վերջին զարգացումները նոր հիմք են տվել Բաքվի քարոզիչների համար: Եվ այս աշխատանքին, ինչպես միշտ միացել է տխրահռչակ քաղաքագետ Սերգեյ Մարկովը, որ Արմեն Սարգսյանի մեջ տեսնում է Մոսկվային թշնամաբար տրամադրված Մեծ Բրիտանիային: Վերջինս, ըստ Մարկովի , Արմեն Սարգսյանի միջոցով փորձելու է ուժեղացնել Հայաստանում Սփյուռքի դիրքերը, որի արդյունքում Ռուսաստանի ազդեցությունը Հայաստանում կարող է աստիճանաբար նվազել:

Սա ցույց է տալիս, թե ինչ անհեթեթությամբ են զբաղված մեր հարևանները: Բայց երբ դրանց քանակը մեծանում է, իսկ դա այդպես է, ապա , ինչպես ասում են «քանակը կարող է որակի անցնել»:

Սա է իրականությունը:

Արտակ Հակոբյան