Արմեն Ռուստամյան. Սերժ Սարգսյանն անելիք ունի իսկ մենք ինչև ապրիլի 9-ը կիմանանք վարչապետի թեկնածուի անունը

Վարչապետի թեկնածուն պետք է առաջադրվի Սահմանադրության ժամկետներին համապատասխան: Վարչապետի ընտրության համար խորհրդարանական ուժերը պետք է ձևավորեն կայուն մեծամասնություն, ինչի համար ժամանակ է հատկացվում: Դրա հետ կապված` պետք է նախապես տեղի ունենան քննարկումներ: ԱԺ ճեպազրույցների ժամին հայտարարեց ՀՅԴ խմբակցության ղեկավար Արմեն Ռուստամյանը

Անդրադառնալով կոալիցիայում վարչապետի անձի շուրջ քննարկումներին` նա ասաց, որ ապրիլի 9-ին մոտ առաջին քննարկումները տեղի կունենան: «Հանրապետականը պետք է առաջադրի վարչապետի թեկնածուին: 9-ից շուտ տեղի կունենա այդ քննարկումը, բայց դրանից շուտ չենք հայտարարի: Մինչև ապրիլի 9-ը ներքին կարգով կիմանանք վարչապետի թեկնածուի անունը, բայց ապրիլի 9-ից շուտ չենք հայտարարի»,- ասաց Ռուստամյանը:

Ինչ վերաբերում է հարցին` Սերժ Սարգսյանը ՀՅԴ-ի համար նախընտրելի թեկնածո՞ւ է, նա ասաց, որ ՀՅԴ-ն պատրաստ է քննարկել ցանկացած անուն, որ կառաջադրի ՀՀԿ-ն: 

Լրագրողները հիշեցրեցին Սերժ Սարգսյանի ավելի վաղ արած հայտարարությանը, որ ինքը չի առաջադրվելու վարչապետի պաշտոնում, Արմեն Ռուստամյանը հակադարձեց. «Սերժ Սարգսյանի հայտարարություններն ավելի լավ, քան ինքը, ոչ ոք չի կարող մեկնաբանել»:  

Ռուստամյանը նաեւ ավլացրե, որ ցանկացած մարդ պետք է իր խոսքի տերը լինի, եթե խոսքի տերը չէ, ապա ինքը ընդհանրապես անելիք չունի հասարակության մեջ: Իր խոսքը պահելը մարդու ամենակարևոր բարոյական արժեքն է, շատ պիտի մտածես, թե ինչ ասես:

Լրագրողներից մեկը նկատեց` ստացվում է` Սերժ Սարգսյանը դրժում է իր խոստումը: Արմեն Ռուստամյանը հակադարձեց. «Սերժ Սարգսյանն անելիք ունի, ու դրա հետ կապված գնահատականները պիտի տրվեն՝ հաշվի առնելով նրա անցած ուղին:
 Փոփոխությունները, որ կատարվել են Հայաստանում, առանց նրա չէին լինի: Դրանք բավարար են, որ նրան հարգենք»: Նա նաեւ հավելեց`սահմանադրական փոփոխությունների սկզբից էլ ՀՅԴ-ն անձերով չի պայմանավորել այդ փոփոխությունները, բայց հայտարարել են նաեւ, որ չեն բացառում, որ Հայաստանի հաջորդ վարչապետը լինի Սերժ Սարգսյանը:

Zham.am