Ցավալի իրավիճակ է, որ Հայաստանի իշխանությունների վերաբերմունքն այդպիսին է. Արցախի ԱԺ նախկին նախագահ
«Շատ կարևոր է, որ Հայաստանում գտնվող Եվրոպայի առաջանորդները զգան Հայաստանում ապրող քաղաքացիական հասարակության խոսքը, որի մեջ արցախցիների խոսքն արդեն շատ երևացող ու տեսանելի է»,- Կ. Դեմիրճյանի անվան մարզահամերգային համալիրի մոտ բողոքի ակցիայի ժամանակ Panorama.am-ի հետ զրույցում ասաց Արցախի Հանրապետության ԱԺ նախկին նախագահ Աշոտ Ղուլյանը։
Հարցին՝ այսօր արցախցիների իրավունքների մասին խոսում են արցախցիները, տարբեր ընդդիմադիր քաղաքական ուժերի ներկայացուցիչներ, հասարակական գործիչներ, բայց ոչ իշխանությունը, նման պայմաններում հնարավո՞ր է եվրոպացի առաջնորդները խնդրի լուծում փորձեն գտնել, նա պատասխանեց. «Շատ ցավալի իրավիճակ է, որ Հայաստանի իշխանությունների վերաբերմունքն այդպիսինն է։ Դա պարզապես ֆասադային ժողովրդավարության երևույթներից մեկն է, ժամանակավոր աչք փակելով դրանց վրա՝ հարցերը չեն լուծվում։ Պետք է փորձել հիմնովին մոտենալ խնդիրներին։ Հարյուր հազար և ավելի արցախցիներ, ոչ միայն արցախցիներ, նաև Հայաստանի բազմաթիվ հայրենակիցներ, իրենց ձայնն են բարձրացնում արցախցիների ոտնահարված իրավունքների մասին, սա չի կարող չլինել իշխանության համար պայքարող քաղաքական ուժի համար խնդիր»։
Մանրամասն՝ տեսանյութում։
Հետևեք մեզ Facebook-ում