Բոլիվուդի լեգենդ Սրիդևի Կապուրին հրաժեշտ են տալիս հազարավոր մարդիկ. Տեսանյութ. Լուսանկարներ
Հնդկաստանի Մումբայ քաղաքում հրաժեշտ են տվել նդկական կինոյի ամենահայտնի անուններից մեկի՝ բոլիվուդյան աստղ Սրիդևի Կապուրին:
Նրա հուղարկավորության արարողությունը, որին մասնակցել են հազարավոր մարդիկ:
The Daily Mail-ը հաղորդում է, որ դերասանուհու երկրպագուներից բացի հրաժեշտ տալու էին եկել բոլիվուդյան բազմաթիվ աստղեր՝ այդ թվում նաև համաշխարհային ճանաչում վայելող Այշվարիա Ռայը:
Հայտնի է, որ 54-ամյա դերասանուհին մահացել է Դուբայի հյուրանոցային համարներից մեկում: Նրան մահացած են հայտնաբերել լոգարանում:
Հնդկական կինոարտադրության ոլորտի աստղի մահվան առիթով ցավակցություն է հայտնել երկրի վարչապետ Նարենդրա Մոդին, որը Կապուրին «Բոլիվուդի վետերան» է անվանել:
Սրիդևի Կապուրը լայն ճանաչում էր ձեռք բերել ոչ միայն դերասանական տաղանդի, այլև իր դերերի միջոցով կնոջ ավանդական ենթարկվող տեսակի կարծրատիպերը կոտրելու համար:
Հետևեք մեզ Facebook-ում