Հայկ Մամիջանյանի ժեստը եվրոփարիսեցիներին

ԵԽԽՎ-ում նիստը նախագահողը ելույթի համար հնչեցրեց ԱԺ «Պատիվ ունեմ» խմբակցության ղեկավար Հայկ Մամիջանյանի անունը։ Ընդդիմադիր գործիչը ոտքի կանգնեց ու  տևական ժամանակ լուռ մնաց՝ պտտելով մատնեմատի ամուսանկան մատանին։

«Անսովոր է լռություն «լսել» այն դեպքում, երբ սպասում ես, որ ինչոր մեկը պետք է խոսի, այնպես չէ՞։ Այժմ դուք ունեք նույն զգացողությունը, ինչ մենք՝ հայերս, երբ սպասում ենք միջազգային հանրության արձագանքին մեր երկրում տեղի ունեցող իրադարձություններին։

Նիկոլ Փաշինյանը հարձակում է գործում Հայ Առաքելական եկեղեցու վրա։ Հարձակվում է խոսքով և ուժով՝ լռություն։ Ավելի քան վեց ամիս չորս արքեպիսկոպոսներ կալանքի տակ են՝ լռություն։ Հայտնի բարերարն իր աջակցությունն է հայտնում Հայ Առաքելական եկեղեցուն և դրա համար ձերբակալվում՝ լռություն։

Մենք նախաձեռնում ենք իմպիչմենտի գործընթաց, և ընդդիմության վարչապետի միասնական թեկնածուն ձերբակալվում է՝ լռություն։ Կառավարության պաշտոնյաները թիրախավորում են անհատ լրագրողներին և մի ամբողջ լրատվական գործակալություններին՝ լռություն։ Ձերբակալվում են բլոգերներ։ Նրանցից մեկը հացադուլ է հայտարարում, և վերջինիս առողջությունն այն աստիճան է վատթարանում, որ երեկ նրան դատարան են բերել անվասայլակով՝ լռություն։

Պատգամավորներին, պաշտոնաթող նախագահներին, ընդդիմադիր առաջնորդներին կա'մ ձերբակալում են, կա'մ արգելում բացակայել երկրից՝ լռություն։ Այս սարսափելի փաստերի շարքը ես կարող եմ անվերջ շարունակել։   Քաղաքականապես իմ երկիրը բռնազավթված է Նիկոլ Փաշինյանի կողմից, ֆիզիկապես՝ Իլհամ Ալիևի։

Իմ ավելի քան 50 հայրենակից Հայաստանում զրկված են ազատությունից իրենց քաղաքական հայացքների համար, իսկ, պաշտոնական տվյալներով, իմ 19 հայրենակիցներ Բաքվում բանտարկության մեջ են միայն այն պատճառով, որ հայ են։   Ես ինքս ինձ համար որոշում կայացրել եմ՝ չեմ լռելու։ Այժմ, տիկնա'յք և պարոնայք, ընտրություն կատարելու ձեր հերթն է։ 

Շնորհակալություն»,-ասաց Մամիջանյանը։

Մանրամասները՝ տեսանյութում։
Աղբյուրը` Panorama.am