Ալեն Սիմոնյանի կամակատարը, մեզ ապօրինի զրկել է հավատարմագրումից․ «Ժողովուրդ» օրաթերթի լրագրողներին ՊՊԾ-ն փորձում էր դուրս հանել ԱԺ-ից

«ԱԺ աշխատակազմի ղեկավարը՝ Ալեն Սիմոնյանի կամակատարը, մեզ ապօրինի զրկել է հավատարմագրումից։ Երբ մեկ տարի առաջ նման որոշում կայացվեց, մենք դատարանում հաղթեցինք, իրենք բողոքարկեցին, փրփուրներից կախվեցին։

Դուք չեք կարող մեզ զրկել շենք մտնելուց, դուք մեզ հավատարմագրումից եք ապօրինի զրկել»,- ԱԺ-ում հայտարարեց «Ժողովուրդ» օրաթերթի խմբագիրը, ում ՊՊԾ-ն փորձում էր դուրս հանել հանձնաժողովի նիստից։ «Եթե Ալեն Սիմոնյանին, Հայկ Կոնջորյանին, Արթուր Հովհաննիսյանին, Դավիթ Առաքելյանին թվում է՝ մեր մուտքը զրկելով, իրենց չենք տեսնելու, հարցեր չենք հղելու, սխալվում են»,- նշեց նա։
--
Մեր կողմից նկատենք, որ Եվրամիության ներկայացուցչությունը թերևս շուտով հատուկ հայտարարությամբ կողջունի Ալեն Սիմոնյանի ու ԱԺ ՔՊ-ական ղեկավարության թունդ «ժողովրդավարական» քայլը: Չէ՞ որ ԵՄ-ականները ցնծում և ուրախանում են, երբ փաշինյանական իշխանությունները բեկորային նռնակներ են նետում խաղաղ, անզեն ցուցարարների վրա: Իշխանությանը չսպասարկող լրագրողներին բռնությամբ դուրս անելն ի՞նչ է, որ չողջունեն: 
Ավելին, ենթադրելի է, որ ԵՄ ներկայացուցիչ Կայա Կալլասը կհորդորի այսուհետև ոչ իշխանական լրագրողներին ծեծելով սպանել և դա անել հենց ԱԺ նիստերի դահլիճի մերձակա ճեմասրահում, դրա համար ԵՄ-ն ևս մի երկու միլիոն եվրո թուլափայ կտա: Ու ընդհանրապես, շուտով հարկ կլինի «եվրոռեմոնտ» արած համակենտրոնացման ճամբարներ բացել, եվրոգազախցիկներով-բանով, որտեղ սիստեմավորված կերպով կսպանվեն բոլոր այն հայերը, որոնք դեմ են հանցագործ Թուրքիայի կողմից այլևս բացահայտ ու պաշտոնապես աջակցվող Նիկոլ Փաշինյանին ու նրա քպ-ներին: