«Հաց և տեսարան», «խրախճանք ժանտախտի ժամանակ». սրանք են այն երկու կարգախոսները, որոնցով Փաշինյանն առաջնորդվում է՝ ամբողջովին դեգրադացնելով հասարակությունը. քաղաքագետ

Հետհայացք գցելով անցնող շաբաթվա լրահոսին՝ ցցուն կերպով ընդգծվում է, որ Փաշինյանն ամենօրյա ռեժիմով մի քննարկման թեմա է տալիս, և հանրության քաղաքականացված սեգմենտն ամբողջովին կլանվում է դրան հակադարձելով ու փաստական ապացույցների տիրաժավորմամբ։ Նիկոլը լիովին առաջնորդվում է «մեկ օրվա լրահոսը պահելու» կարգախոսով, երբ առավոտյան սուրճի հետ տալիս է այդ օրվա քննարկվելիք թեման, իսկ նրա գլխավոր հաղթաթուղթը հանրության մնացած հատվածի մանկուրտացման գործիքակազմն է։

Ինչքան մանկուրտը շատ, այնքան կառավարելը՝ հեշտ։ Պետք չէ, որ սովորական մարդը խորամուխ լինի, որ Նիկոլը հավասարության նշան է դնում Արցախի և այսպես կոչված «Արևմտյան Ադրբեջան» կոչվող ադրբեջանական նարատիվի միջև։ Ոչինչ, որ նա հերթական անգամ պղծեց ևս մի եկեղեցի, ոչինչ, որ «եվրոպացիք» քեշ փող են տալիս ազգային արժեհամակարգերի դեմ ուղղակի պայքարելու համար։ Թուրքական շտապ օգնության թեմայի մասին մի ամբողջ օր խոսում են, դրանից հետո մի հատ ցնդած պարզաբանում է ներկայացվում ու անցնում առաջ։ Բնավ հոգ չէ, որ Ալիևն ու Բայրամովն ավելի են հստակեցնում, որ Սահմանադրությունդ պիտի փոխես, բայց կարևոր է այն, որ շքեղ տոնածառ ունենք, լիքը սիրուն-սիրուն լույսեր, ու մարդիկ հորթի ժպիտով վայելում են այդ խրախճանքը։ Այս ամենը շատ արագ մոռացվում է, չկա հիշողություն. ըստ էության՝ Մաթևսյանի բերած օրինակն ամբողջությամբ իրավիճակի դասական բնորոշում է:

Գիտեք, իրականում փուչիկը շատ սիրուն է՝ գունավոր, փայլուն, գրավիչ, բայց այն փուչիկ է՝ դատարկ, առանց բովանդակության։ Կարելի է երկար հիանալ դրա գույնով ու լույսերով, բայց իրական քաղաքականությունը մեկ ասեղի հարց է․ ճշմարտությունը գալիս է, և կեղծիքով, ստով ու մանիպուլյացիայով սնվող «իրականությունները» մի ակնթարթում փլվում են»։
Քաղքագետը նաև հղում է արել Հրանտ Մաթևոսյանի հայտնի խոսքին. «Մարդ ու անասուն իրարից ջոկվում են հիշողությամբ: Հիշողությունը դրած է անասունի ու մարդու արանքում: Հիշողության մեջ ես՝ ուրեմն վառվում ես, մարդ ես, հաշիվներ ունես, անհանգիստ ես և հիշողության մեջ չես՝ հրեն բաց դաշտում կովն արածում է առանց հիշողությունների, իսկ հորթին երեկ են մորթել...»:

Տեղի ունեցածի մասին մի փոքր պատկերացում կարելի է կազմել YerevanLife.info-ի տարածած տեսանյութից, այս հղումով՝ 
https://www.facebook.com/reel/754240190322244