Շոկ. ռուսական հայտնի վերլուծաբանները խոստովանում են՝ Պուտինը իր վարկանիշով զիջում է կոմկուսի թեկնածուին. Տեսանյութեր

Վերջին օրերին շատերը Ռուսաստանում նկատել են, որ փաստացի սկսված նախընտրական արշավի ընթացքում կոմկուսի ներկայացուցիչ գործարար Գրուդինինի նկատմամբ իսկական սև փիար է իրականացվում: Սույն հանգամանքը հուշում է, որ իշխանությունները խիստ մտահոգված են կոմկուսի թեկնածուի վարկանիշի կտրուկ աճով: Այս տենդենցը անուղղակի հաստատում են նաև հայտնի վերլուծաբանները, որոնցից շատերը Պուտինի կողմնակիցներն են և Գրուդինինին չեն ընդունում: Օրինակ, հայտնի հեռուստավարող Վլադիմիր Սոլովյովը ռադիոեթերում խոստովանեց, որ իրենց արդյունքների համաձայն, Պուտինի ռեյտինգը մոտ 50 տոկոս է, իսկ Գրուդինինը՝ 45 տոկոս, և դա նա հնչեցնում է իր եթերում: Իսկ օրինակ հայտնի Պուտինի կողմնակից Միխայիլ Դելյագինը դադարեցրել է հարցումները, տեսնելով, որ Պուտինի օգտին պատրաստ են քվեարկել ընդամենը 21 տոկոսը, մինջդեռ Գրուդինինը ստացել էր 63 տոկոս: Հայտնի «Эхо Москвы» ռադիոկայանի հարցման արդյունքում Գրուդինինը հավաքել էր ձայների ավելի քան 90 տոկոսը: Արձանագրենք, որ այդ ռադիոընկերությունը ամենևին էլ կոմկուսին հարող լրատվամիջոց չէ:

Այս ամենը վկայում է մեկ բանի մասին, որ գալիք ընտրությունները նախորդների նման հեշտ չեն լինելու Պուտինի համար: Թեև հատկապես հայ ընթերցողները այդ վարկածին լուրջ չեն վերաբերվում: Սակայն Հայաստանը տեսել է 1996 թվականը, երբ անսպասելի բոլորի համար՝ ընտրությունները սյուրպրիզ արձանագրեցին: Չի բացառվում, որ նման սյուրպրիզ արձանագրվի նաև Ռուսաստանում: Պարզ է մեկ բան, որ իշխանությունը ցանկացած ելքի պարագայում չի հանձնվի կոմունիստներին:

Հակոբ Կարապետյան