Վազգեն Սաղաթելյանը և Նարեկ Սամսոնյանը կալանավորվեցին 2 ամսով

Մեկնաբանելու շատ բան չունեմ , դատարանը որուշեց երկու ամսով կալանք, որևէ անակնկալ բան տեղի չի ունեցել, ամեն ինչ ասված է, որևէ խուլիգանության մասին այստեղ խոսք լինել չէր կարող»,- Երևանի ընդհանուր իրավասության քրեական դատարանի Ավանի նստավայրի դիմաց, որտեղ ավարտվեցէ «Իմնեմնիմի» փոդքատի համահեղինակ Նարեկ Սամսոնյանի կալանքի դատական նիստը, ասաց նրա փաստաբան Ռուբեն Մելիքյանը։

Նա հիշեցրեց, որ օրվա ավարտին փոխվեց դատավարական կազմը և գործի քննությունը ընկավ Մասիվի դատարան, բնականաբար և՝ Մասիս Մելքոնյանին։

«Նա էլ կայացրեց այն որոշումը, որը բոլորս էլ ակնկալում էինք, որ կկայացներ։ Ցավում եմ, բայց մեր համար հասկանալի էր և մենք ավելի շատ խոսում էինք, որ հետագայում բողոքարկման ժամանակ մեր փաստարկներն կարողանանք ներկայացնել»,- ասաց Մելիքյանը՝ հավելելով. «Մենք դեռ վճիռի հիմնավորումը չենք ստացել, դատարանը միայն եզրափակիչ մասը հրապարակեց, շուտով կստանանք հիմնավորումները և կբողոքարկենք վճիռը։

 Սա ևս մի քայլ էր երկրի իրավական գահավիժման շրջանում, որովհետև մարդկանց անվանում են «շան լակոտներ», նրանք արձագանքում են և դրա համար արձագանքողները որպես խուլիգան են դտավում, իսկ ասողը, քանի որ Աժ նախագահ է, նրա համար որևէ պատասխանատվություն չի սահմանվում»։
--

Երևանի ընդհանուր իրավասության դատարանը (Աջափնյակ նստավայր), դատավոր Ռոման Սմբատյանի նախագաhությամբ, որոշեց  բավարարել քննիչի միջնորդությունը, և «Իմնեմինի» փոդքասթի համահեղինակ Վազգեն Սաղաթելյանը կալանավորվեց երկու ամսով։  Այս մասին դատարանի մոտ հայտարարեց Սաղաթելյանի պաշտպան Արսեն Բաբայանը։

Նա ասաց, որ միաժամանակ արգելվել է հաղորդակցվել այլ անձանց հետ, բացառությամբ պաշտպանի և ընտանիքի անդամների։ 

«Որոշումը կբողոքարկվի, որովհետև մեր համոզմունքն է, որ այստեղ չկա օրինականության որևէ նշույլ անգամ»,- ասաց փաստաբանը։ 

Արսեն Բաբայանն ավելի վաղ հայտնել էր, որ Վազգեն Սաղաթելյանի մեղադրանքում միայն խուլիգանության մասին է, չկա սպառնալիքի նկարագրված դրսևորում։

Հիշեցնենք, որ նոյեմբերի 13-ին վաղ առավոտյան «Իմնեմինի» փոդքասթի  համահեղինակներ Վազգեն Սաղաթելյանի տուն ու Նարեկ Սամսոնյանի բնակարան ԱԱԾ դիմակավորված աշխատակիցներ էին մտել, կատարել խուզարկություն, ձերբակալել, ապա նրանց ձեռքերը ոլորած տարել Երևանի քննչական բաժին։ Նրանց կալանավորելու միջնորդություն էր ներկայացվել։

Վազգեն Սաղաթելյանն ու Նարեկ Սամսոնյանն  ձերբակալվել էին ԱԺ նախագահ Ալեն Սիմոնյանի հաղորդման հիման վրա։ 

«ԱԺ նախագահ Ալեն Սիմոնյանը հաղորդում է տվել իրավապահներին «Իմնեմնիմի» փոդքասթում հնչած վիրավորական արտահայտությունների և սպառնալիքների վերաբերյալ իրավական գնահատական տալու համար»,-  Panorama.am-ին ասել էր Ալեն Սիմոնյանի մամուլի քարտուղար Մովսես Հարությունյանը։