Անվճար խորհուրդ Փաշինյանի համար. ինչպես պատրաստվել 2026-ի ընտրություններին՝ հանդես գալով տարբեր կերպարներով

Ինչպես  հայտնի է, Փաշինյանն օր ու գիշեր մտածում է, թե ինչ կերպարով հանդես գա 2026-ի ընտրություններում, որ կարողանա գոնե որոշ թվով ձայներ ստանալ, եթե նույնիսկ չկարողանա հաղթել:

2021-ին նրան հաջողվեց հանդես գալ երկու կերպարով. «խաղաղասերի»  և նախկինների «թալանը»   վերադարձնող հայկական «Ռոբին Հուդ-ի»,  և դրա շնորհիվ նույնիսկ կարողացավ վերարտադրել իր իշխանությունը:

Գալիք 2026-ի ընտրություններում նրա՝ նախկինների «թալանի»  խաղաքարտն այլևս չի գործելու: Դրա վառ ապացույցը Գյումրու անցած ընտրությունների արդյունքն էր:

Փաշինյանը դա հասկացել է և փորձում , գոնե «խաղաղասերի»   խաղաթուղթը մաքսիմալ օգտագործել, որպեսզի գոնե 2021-ի կեսի չափ ձայն ստանա:

Դրա համար նա աղերսում  է Ալիևից մինչև ընտրություններ ստորագրել այդ փաստաթուղթը, որպեսզի կարողանա  ցույց տալ  այդ  թղթի կտորը, մտածելով, որ դրանով կկարողանա խաբել հանրության առավել թերզարգացած մասին:

Սակայն հանրության այդ հատվածը մեծ թիվ չի կազմում և նրան խորհուրդ են տվել նաև տարբեր խեղկատակ քայլերի դիմել, որպեսզի գրավի նաև հանրության քաղքենի մի մասին:

Դրա համար, օգոստոսի 8-ին նա հայտնվել էր Թրամփի սեղանի վրա և կողքը: Ճիշտ է, Թրամփն այդպես էլ նրա անունը  չսովորեց, բայց  դա ոչինչ:

Հասկանալով, որ դա քիչ է,  Փաշինյանն փորձում է նոր կերպարներ հորինել՝ հանրությանը ներկայանալու համար:

Եթե նախկինում նա սատանաների հետևից էր ընկնում, հեծանիվ էր վարում, ապա այսօր որոշել է ամեն առավոտ սրտիկ ցույց տալով, բարի լույս մաղթել իր ընտրողներին:

Բայց դա էլ է քիչ: Մենք կարող ենք իրեն առաջարկել ամեն շաբաթ Հայաստան հրավիրել իրեն նման մի ինչ-որ կերպարի և համատեղ նկարվել, կամ՝ խեղկատակությամբ զբաղվել:

Մանավանդ, որ դրա համար բյուջեում զգալի գումարներ կան՝ ռուս-ուկրաինական պատերազմի  գործոնն օգտագործելուց   ստացած գումարներից:

Օրինակ, երեկ միջազգային ժամանցային մամուլը նկատել է, թե ինչպես է աշխարհի ամենասեքսուալ կին-«ռեյսավիկը» (խոշոր բեռնատարի վարորդ) «կիսվել»  ինտիմ լուսանկարով։

Կոստառիկացի բեռնատարի վարորդուհի  Միլենա Գոնսալեսը, որը հայտնի է նաև որպես «աշխարհի ամենասեքսուալ  բեռնատարի վարորդ», իր բլոգում հրապարակել է «բաց» լուսանկար: Լուսանկարը հայտնվել է նրա Ինստագրամի էջում, և ունի ավելի քան 500.000 հետևող:

Համացանցում տեղադրված լուսանկարներում կինը նստած է մեքենայի առջևի նստատեղին՝ հագած կարմիր, նեղ երիզներով և խորը դեկոլտեով (լանջաբացվածքով)  շապիկ։ Նա  նաև  կապույտ ջինսե շորտերով է, զարդերով, ոճավորված սանրվածքով, աչքի ընկնող դիմահարդարմամբ և կարմիր գլխաշորով։

Եթե նրան հրավիրեն Հայաստան և այս նույն բեռնատարում այս կինը նկարվի, օրինակ,  Փաշինյանի հետ, ապա այս նկարը կտարածվի աշխարհով մեկ, և Փաշինյանի անուն-ազգանունը գոնե Թրամփը հաստատ կհիշի:

Մանավանդ, որ նա կանանց մասով պրոֆեսիոնալ է, և ուրեմն Փաշինյանն այս հարցում նույնպես շահած դուրս կգա:

Կընդունե՞ն այս առաջարկը Փաշինյանի թիմակիցները, պարզ կլինի մոտ ժամանակներս:

Պետք է շտապել, քանզի հույսը դնել միայն Էրդողանի և Ալիևի վրա՝ իմաստ չունի: Նրանք սովորաբար կարող են մեծ խոստումներ տալ և դրժել դրանք: Մանավանդ, որ միայն իրենց գործոնը խաղի մեջ դնելը, Փաշինյանի համար, քիչ կլինի՝ 2026-ին գոնե որոշ թվով ձայներ ստանալու համար:

Սա է իրականությունը:

Դավիթ Մկրտչյան
Zham.am