Ադրբեջանում տնտեսական խնդիրներ են սպասվում, կլանային պայքար է ընթանում (Տեսանյութ)

Այսօր՝ փետրվարի 13-ին  քաղաքագետ Ալեքսանդր Իսկանդարյանը նշեց պատճառները, որոնք հիմք են հանդիսացել Ադրբեջանի նախագահական ընտրությունները հոկտեմբերից ապրիլ տեղափոխելու համար. «Սկզբում նավթի գները կտրուկ նվազեցին, ինչի պատճառով Ադրբեջանն անգամ ռազմական բյուջեն կրճատեց: Հիմա ռազմական տեխնիկայի գնումներ գրեթե չեն լինում, դրանք նախկինում ձեռք բերված պայմանագրերի արդյունքում են միայն մատակարարվում: Առաջիկայում եւս տնտեսական խնդիրներ են սպասվում, որոնք կրկին կապված են նավթի գների անկման հետ: Մյուս պատճառ այն է, որ հայր եւ որդի ալիեւները գրեթե կես դար կառավարում են: Ներքին հակասություններ կան՝ կլանային պայքարներ», - նշեց նա:

Իսկանդարյանը հստակեցրեց, որ ալիեւյան էլիտայի ներկայացուցիչները գրեթե հեռացված են իշխանությունից, իսկ Փաշաեւների ընտանիքը՝ Մեհրիբան Ալիեւայի ընտանիքը, ավելի մեծ քաղաքական դիրքեր է զբաղեցնում. «Այս համատեքստում ներքին բախումներ են տեղի ունենում, ինչը հանգեցնում է նրան, որ Ալիեւը փորձում է իր իշխանությունն ապահովել հնարավորինս շուտ»:

Խոսելով Ալիևի հայտարարության մասին, ըստ բանախոսի, նրա «Երևանի վրա գալը» նույնպես կանխատեսելի զառանցանք էր, ընտրություններ են առջևում, պետք էր զինվել ժողովրդի աջակցությամբ, բանախոսի խոսքով նման անհեթեթ բարբաջանքներ կլսենք ընդհուպ մինչև Ադրբեջանում նշանակված ընտրությունների օրը: Ըստ բանախոսի՝ Ղարաբաղյան հակամարտության տարրը վաղուց է օգտագործվում Ադրբեջանի ներքին կոնֆլիկտների հարթեցման, ժողովրդի կոնսոլիդացման համար:

Մանրամսները՝ Zham.am-ի տեսանյութում: