Թբիլիսիում ցուցարարների դեմ ջրցան մեքենաներ են կիրառել

Վրաստանում ցուցարարները հայտարարել են Թբիլիսիի կենտրոնում գտնվող նախագահական նստավայրի վրա հարձակման մասին։

sputnik-georgia.ru-ի հաղորդմամբ, Թբիլիսիի Ազատության հրապարակում այս պահին հազարավոր մարդիկ են հավաքված, ովքեր հայտարարել են, որ իշխանությունը պատկանում է իրենց և պահանջել են ձերբակալել Վրաստանի վարչապետ Իրակլի Կոբախիձեին և այլ պաշտոնյաների։

«Մենք ստանալու ենք նախագահական պալատի բանալիները. սա կլինի առաջին քայլը», - ասել է կազմակերպչական կոմիտեի անդամներից մեկը՝ նախկին գլխավոր դատախազ Մուրթազ Զոդելավան։ Այս պահին Զոդելավան և տղամարդ ակտիվիստները փորձում են ներխուժել նախագահի վարչակազմի շենք: Հատուկ նշանակության ուժերը սկսել են օգտագործել հատուկ միջոցներ ցուցարարների դեմ։

Ցուցարարների՝  Օրբելիանիի նախագահական պալատի բակ ներխուժելուց հետո  այժմ իրավիճակը որոշ չափով հանդարտվել է։ Դեպքի վայրում լրացուցիչ հատուկ նշանակության ուժեր են մոբիլիզացվում։

Այնուհետև ոստիկանությունը ջրցան մեքենաներ և այլ միջոցներ է կիրառել Վրաստանի նախագահի վարչակազմի շենք ներխուժելու փորձ կատարած ցուցարարների դեմ։

Ցուցարարների ցրումից առաջ Վրաստանի Ներքին գործերի նախարարությունը հայտարարություն էր տարածել՝ նշելով, որ ներկայիս գործողությունը դուրս է գալիս  հավաքների և ցույցերի մասին օրենքով սահմանված նորմերից։

Հիշեցնենք, որ այսօր Վրաստանում ՏԻՄ ընտրություններ են։ 
Աղբյուրը` Panorama.am