Իրանը՝ թիվ մեկ ահաբեկչական պետություն. Թրամփ

Նախորդ շաբաթ Իրանի դեմ կիրառված ամերիկյան պատժամիջոցները դեռ սկիզբն է, զգուշացրեց ԱՄՆ նախագահ Դոնալդ Թրամփը:

«Իրանը մեզ ընդհարապես չի հարգում: Դա թիվ մեկ ահաբեկչական պետություն է: Նրանք ամենուրեք զենք ու գումարներն են ուղղում: Նրանք բացարձակ անարգանք  են դրսևորում ԱՄՆ-ի նկատմամբ», - ասաց Թրամփը «Fox News»-ին տված հարցազրույցում:

Նա զերծ մնաց այն հարցի պատասխանից՝ թե այս պահի դրությամբ արդյո՞ք առկա է ԱՄՆ-ի և Իրանի միջև ակնհայտ բախում: 

«Ոչ, նրանց ոչ մեկ չի պատրաստվում վախեցնել: Պարզապես նրանք բացարձակ անարգանք են դրսևորում ԱՄՆ-ի նկատմամբ», - ասաց Թրամփը:

Հերթական անգամ քննադատելով միջուկային ծրագրի վերաբերյալ Իրանի հետ գործարքը, Թրամփը հայտարարեց, որ այդպիսով ԱՄՆ-ն «իրանցիներին 1.7 մլրդ դոլար կանխիկ գումար է նվիրել»:

Թրամփը նշեց նաև, որ Իրանի վրա պատրաստվում է պատժամիջոցներով ազդել. «Այո, և դա միայն սկիզբն է», - զգուշացրեց  նա:

Հիշեցնենք՝ նախորդ շաբաթ ԱՄՆ-ն նոր պատժամիջոցներ է սահմանել Իրանի դեմ:

Zham.am