Միջնորդները նախազգուշացրեցին Իլհամ Ալիևին

ԵԱՀԿ Մինսկի խմբի համանախագահները հերթական տարածաշրջանային այցից հետո հանդես եկան հայտարարությամբ, որտեղ նախազգուշացնոմ են կողմերին «լրացուցիչ քայլեր ձեռնարկել լարվածությունը թուլացնելու համար և հարգել հրադադարը», բացի այդ, հորդորում են կողմերին «Զերծ մնալ սադրիչ հայտարարություններից ու գործողություններից»: Ակնհայտ է, որ այս ձևակերպումները հիմնականում ուղված էին Բաքվին, որտեղից վերջերս ամենաբարձր մակարդակով հնչեցվել էին սադրիչ կարգախոսներ՝ ուղված Հայաստանի հասցեին: Ինչպես հայտնի է, Ալիևի այդ հայտարարություններից հետո Սերժ Սարգսյանը միջնորդներին Երևանում ընդհունելու ժամանակ նրանց ուշադրությանն է հրավիրել Ալիևի արդեն հայտնի դարձած հակահայկական թեզերը, նշելով, որ այս ամենը չի նպաստում իրավիճակի լիցքաթափմանը տարածաշրջանում: Համանախագահները ի գիտություն են ընդհունել դա և համաձայնվել, որ նման հռետորաբանությունը չի նպաստում մթնոլորտի առողջացմանը: Հավանաբար կանխազգալով, որ հայ հասարակությունը Ալիևի խոսքերը կընկալի, որպես համապատասխան ռազմատենչոության մեսիջ, ինչը կարող է նաև խափանել ողջ բանակցային գործնթացը, միջնորդները որոշեցին այս հայտարարությամբ կանխել դա, իսկ դիվանագիտական խողովակներով նախազգուշացնել Ալիևի վարչակազմին, որ եթե այս հռետորաբանությունը դառնա մշտական նորմ, ապա հաջորդ հայտարարությունը կլինի կոնկրետ հասցեագրված:

Իսկ թե ինչ նպատակ էր հետապնդում Ալիևը նման ռազմատենչ թեզերով հանդես գալով, կվերլուծենք մեկ այլ հոդվածում:

Հակոբ Կարապետյան