Նիկոլի տուրիստները. Ալեն Սիմոնյանի գլխավորությամբ, 10 հոգանոց պատվիրակությամբ, մեկնում են Իսպանիա և Անդորրա՝ հերոս հարկատուների հաշվին ֆռֆռալու

Փաշինյանի ԱԺ նախագահ Ալեն Սիմոնյանը կարգադրություն է ստորագրել․

Ղեկավարվելով «Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքի 5-րդ հոդվածի 5-րդ մասով եւ Հայաստանի Հանրապետության աշխատանքային օրենսգրքի 209-րդ հոդվածով`  կարգադրում  եմ.

1.  Աշխատանքային այցով 2025 թվականի սեպտեմբերի 22-25-ը Մադրիդ (Իսպանիայի  Թագավորություն), սեպտեմբերի 25-27-ը Անդորրա Լա Վելլա (Անդորրայի Իշխանապետություն), իսկ սեպտեմբերի 27-28-ը Բարսելոնա (Իսպանիայի  Թագավորություն) գործուղել Ազգային ժողովի նախագահի գլխավորած պատվիրակությունը՝ հետեւյալ կազմով.

2. Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ գործուղման հետ կապված ճանապարհածախսի՝ (Ս. Խանդանյանի՝ Երեւան-Մադրիդ-Բարսելոնա-Ստրասբուրգ), ներկայացուցչական ծախսերի, օրապահիկի, ինչպես նաեւ գիշերավարձի՝ ըստ փաստացի կատարած ծախսերի հավաստող փաստաթղթերի վճարումը կատարել Հայաստանի Հանրապետության 2025 թվականի պետական բյուջեով Ազգային ժողովին այդ նպատակի համար հատկացված միջոցների հաշվին՝ հաշվի առնելով Ազգային ժողովի նախագահի 2024 թվականի դեկտեմբերի 23-ի «Ազգային ժողովի պատգամավորների եւ Ազգային ժողովի աշխատակազմի աշխատողների՝ օտարերկրյա պետություններ գործուղումների կազմակերպման եւ գործուղման ծախսերի հատուցման կարգը հաստատելու մասին եւ Ազգային ժողովի նախագահի 2018 թվականի մայիսի 1-ի Կ-127-Ա կարգադրությունն ուժը կորցրած ճանաչելու մասին» Կ-364-Ա կարգադրության պահանջները:

3. Ընդունել ի գիտություն, որ գործուղման հետ կապված գիշերավարձի (2 գիշերվա՝ Ա. Սիմոնյանի՝ Անդորրա Լա Վելլա) վճարումը կատարում է հրավիրող կողմը:
--
Բարեբախտաբար ու բնականաբար, քպ այս «պառլամենտական տուրիստների» խմբում ընդդիմադիրներից ոչ ոք չկա: 
Մյուս կողմից, այո, այս ծանր պահին չափազանց կարևոր է կարգավորել հարաբերությունները եվրոպական քաղաքականության հսկա Անդորրայի հետ: 
...Ի դեպ, սեպտեմբերի 28-ի երեկոյան «Բարսելոնան» սեփական դաշտում ընդունելու է «Ռեալ Սոսյադատին»