Փաշինյանն ինքն իր անվան շուրջ հեքիաթներ է հորինում. ճի՞շտ է, որ որպես գործակալ միշտ գործել եք «Շակալ» մականունով․ հարց՝ Նիկոլ Փաշինյանին
Նիկոլ Փաշինյանն այսօր՝ սեպտեմբերի 18-ին, Կառավարության նիստից հետո կայացած ճեպազրույցի ժամանակ նաև անդրադարձավ իր՝ գործակալ լինելու մասին տարածվող լուրերին:
«Եթե տվյալների որևէ նշույլ անգամ գոյություն ունենար գոնե հեղափոխության ժամանակ, երբ իշխանությունը փլուզվում էր, այդ իշխանությունը պետք է դներ սեղանին ասեր՝ տեսեք՝ այս ինչ է կատարվում: Հիմա գնացել մտել են դիվանների տակ, դիվանի տակից ուղերձնե՞ր են հղում՝ հույս ունենալով, որ դա իրենց թույլ է տալու դիվանի տակից դուրս գա՞լ: Թույլ չի տալու: Իրենց տեղն այլևս բազմոցի հարմարավետ տակն է և այլ կերպ չի լինելու»,- հայտարարեց նա:
--
Անհնար է, առանց «երկաթբետոնյա» փաստեր ունենալու, պնդել, թե այսինչը կամ այնինչը, այդ թվում՝ Փաշինյանը, գործակալ է: Չնայած, Փաշինյանն ինքը բազմիցս է այդպես վարվել, բնականաբար, առանց փաստեր նշելու:
Բայց բավարար է նայել Փաշինյանի ավերակիչ գործունեությանը ու ակնհայտ կդառնա, թե որ երկրի (երկրների) շահերն է նա սպասարկում:
Ի դեպ, եթե Փաշինյանը գործակալ լիներ էլ, ապա «Շակալ» ծածկանունը նրան չէր համապատասխանի, ավելի սազական կլիներ՝ «ագենտ 000» տարբերակը: Չէ՞ որ դա նրա սիրած թիվն է:
Հետևեք մեզ Facebook-ում