Դուք խոսելու տեղ չունեք․ Ո՞վ իրականում ջախջախվեց օգոստոսի 8-ին․ «Կարճ ասած»

Yerevan.today-ի գլխավոր խմբագիր Սևակ Հակոբյանը նկատում է. «Ինչ ԱԺ-ն վերադարձել է արձակուրդից, մի քանի օր է, որ ՔՊ-ական պատգամավորները, ՔՊ տարբեր քարոզիչներ եույթներում, գրառումներում փառաբանում են օգոստոսի 8-ի վաշինգտոնյան այսպես ասած՝ ղազագիրը։ Ու հլը մի բան էլ մունաթ են գալիս ընդդիմության վրա, հարձակվում, թե՝ խաղաղության պայմանագրի վերաբերյալ ընդդիմության թեզերը ջախջախվել են, այ ընդդիմություն, բա ասում էիք հանձնելու ենք, էդ ի՞նչն ենք վարի տվել և այլն։ Այո, այ դա ընդդիմության սխալն է, որ դուք կաք դեռևս քաղաքական կյանքում։ Այո, ընդդիմության սխալն է, որ դուք դեռևս խրոխտ ելութներ եք ունենում ու ընդդիմության մեղքն է, որ Նիկոլը հլը վարչապետ է, Կոնջորյան-Ալեքսանյան-Ալեն-մալեններն էլ՝ դեպուտատ։

«Ի՞նչն ենք վարի տվել»․ եքա պետություն վարի տվեցիք ու հարցնում եք, թե ինչն եք վարի տվե՞լ։ Այո, ընդդիմությունն ասում էր Նիկոը գնում է Վաշինգտոն հանձնելու։ Իսկ ի՞նչն էր սխալ ասում։ Չեք հանձնե՞լ։ Ձեզ թվում է, որ եթե անունը դրեցիք Թրամփի երթուղի, թշնամուն ուրեմն ճնապարհ չեք տվե՞լ։ Ասում են ընդդիմությունը ապոկալիպտիկ բան էր ներկայացնում․ ուրեմն 120 հազար հոգու սարքել եք փախստական՝ վաշինգտոնյան թղթի համար, 12 հազար քառակուսի կիլոմետր հանձնել եք էդ թղթի համար, 5 հազար զոհ եք տվել էդ թղթի համար, Հայաստանից հանձնել եք, օգնել եք օկուպացնեն, 5 մարզից հող եք տվել էդ թղթի համար, բա աղետ ա դա։ Օգոստոսի 8-ին ստորագրվածը ամբողջությամբ Ադրբեջանի շահերի մասին թուղթ է, դուք էլ չեք հերքում։ Նրանք խաղաղության պայմանագիր կոչվածը գրել են այնպես, ինչպես իրենց ձեռնտու է, ու ուղարկել են ձեզ, էնքան են տարել-բերել, պնդել, մինչև համաձայնել եք։

Թե բա՝ օգոստոսի 8-ից՝ հավիտյանս հավիտենից խաղաղություն․ Էդ ո՞րտեղ է էդ խաղաղությունը, տեղը կասե՞ք, մինչև ե՞րբ է տևելու էդ «հավիտյան» խաղաղությունը։ Խնդրում եմ նայեք ադրբեջանական կողմի ելույթները օոստոսի 7-ին, 6-ին, 5-ին ու դրանից առաջ՝ մինչև 2020 թիվը ու նրանց ելույթները օգոստոսի 8-ից հետո՝ մինչև հիմա․ ի՞նչ է փոխվել։ Լավ, էն մանր-մունր, պտգամավոր-բանի ելույթները շան տեղ չդնենք, Ալիևի բառապաշարում ի՞նչ է փոխվել։ Ալիևը Նիկոլի հետ թուղթ է ստորագրել, դրանից հետո քանի անգամ խոսել է էդ ուղուց, ասել է՝ Զանգեզուրի միջանցք։ Ասել ես՝ մի ասա էդպես, էլի ասել է։ Ալիևը գոնե մի անգամ չի շշկռվել՝ ասի «Թրամփի ուղի», «Խաղաղության խաչմերուկ», ասի գոնե ճանապարհ․ դրա անունը «Զանգեզուրի միջանցք» է դրել։ Դուք իր հետ ստորագրում եք, մի օր հետո Նիկոլն ասում է՝ Ալիևի բառապաշարը հակասում է խաղաղությանը։ Դե հիմա ասեք՝ օգոստոսի 8-ին երթուղի՞ են ստորագրել ուղակի, թե միջանցք։ Մեկ ասում եք խաղաղություն ենք բերել, մեկ ասում եք՝ խաղաղությանը հակասում են։

ՔՊ-ական մականունավոր պատգամավորն ասում է՝ թող ընդդիմությունը ժողովրդին պատասխան տա, թե ինչու էր էդ փաստաթուղթը էդպես վատ ներկայացնում։ Ցավոք, ընդդիմության ներկայացրածը վերջին 7 -8 տարում 90 տոկոս և ավելի իրականություն է դարձել։ Բայց այ դուք պետք է պատասխան տակ այդ իրականություն դարձնելու համար։ Քանի որ դուք դեռ նստած չեք, դեռ իշխանության ղեկին եք, պատասխան տալու փոխարեն, մի բան էլ աղմկում եք։ Ընդդիմությունը պետք է մեկ բանի համար պատասխան տա, թե ինչու եք մինչև հիմա իշխանության։ Դուք ստորագրել եք փաստաթուղթ ու ամեն օր բացատրում եք՝ արտատարածքային միջանցք չի լինելու, միջին միջանցք չի լինելու, անունը Զանգեզուրի միջանցք չէ։ Դու այլ ձև ես ընկալում նույն բանը, Ալիևը՝ այլ։ Եվ ուրեմն իրականում ի՞նչ եք արել։

ՔՊ-ն ասում է՝ Վաշինգտոնում խաղաղություն ենք բերել, ընդդիմության թեզերը ջախջախել ենք։ Այ էս քարտեզը տեղադրվել է օկուպացված Արցախում՝ Հադրութում․ գիտե՞ք երբ է Ալիևը դրել էս քարտեզը․ օգոստոսի 8-ին Նիկոլի հետ խաղաղության պայմանագիր նախաստորագրելուց հետո։ Այդ քարտեզում Սյունիքի մի մասը Ադրբեջանի կազմում է։ Դու քրոզարշավ ես արել ու վերարտադրվել ես Հադրութը հետ բերելու խոստումով, բայց էսօր նույն Հադրութում Ադրբեջանը քարտեզ է դրել, որտեղ արդեն Սյունիքն է իրենց կազմում։ Դա բխում է օգոստոսի 8-ի պայմանավորվածությունի՞ց։ Սա Ալիևն է դրել․ ոչ թե ինչ-որ մի ադրբեջանցի հովիվ։ Ձեր նախաստորագրած փաստաթղթի երկրորդ հոդվածում գրել եք․ «Կողմերը հաստատում են, որ միմյանց նկատմամբ չունեն տարածքային պահանջներ և հետագայում նման պահանջներ չեն առաջադրի», մեկ օր հետո Ադրբեջանը տեղադրում է քարտեզներ, որտեղ Սյունիքը իրենց կազմում է։ Ու ԱԺ-ում ինչ-որ ՔՊ-ականներ էն մի տեղը պատռում են, թե՝ ընդդիմության թեզերը ջախջախվել են, խոսելու բան չունեն։

Ձեր նախաստորագրած խաղաղության պայմանագրում ոչ մի տող չկա սահմանադրության փոփոխության մասին․ բա էլ ինչի՞ են պահանջում։ Ալիևը պահանջում է, դուք ասում եք կփոխենք․ ՔՊ-ական պատգամավորը մի քանի օր ռաջ ուղիղ ասում էր՝ մեր սահմանադրության մեջ տարածքային պահանջ կա, կփոխենք։ Բա էլ ի՞նչ ինքնիշխանությունից եք խոսում, ո՞ւմ թեզերն են հիմա ջախջախվել։ Նիկոլն ասում էր՝ պետք է երկուստեք հրաժարվեն փախստականների վերադարձ, վերաբնակեցում եզրույթներից։ Դու չես խոսում, Արցախ վերադարձի հարցը թաղել ես, Ադրբեջանը չի խոսո՞ւմ։ Օգոստոսի 8-ից հետո Ալիևը արդեն 3 ագամ խոսել է այսպես կոչված՝ Արևմտյան Ադրբեջանից։ Հայաստան գալը նրանք հայտարարել են համազգային գաղափար։ Ադրբեջանի պետական հեռուստատեսությունը ամեն օր ՀՀ-ն հայտարարում է Արևմտյան Ադրբեջան։

Դուք նախաստորագրել եք փստաթուղթ, որտեղ գրել եք ուժի կիրառման սպառնալիք չհնչեցնելու մասին․ Դրանից հետո Ադրբեջանի նախագահը հայտարարել է, որ մեծացնում է պաշտպանական բյուջեն, որովհետև ամեն վայրկյան կարող է պատերազմ լինել։ Էդ ո՞ւմ դեմ է լինելու էդ պատերազմը, լուսնի՞։ Դուք օգոստոսի 9-ից արդեն հայտարարում էիք ռազմական բյուջեն այլևս չավելացնելու մասին, իսկ էսօր էլ հայտրարեցիք արդեն պակասեցնելու մասին։

Դուք ընդամենը ձեր ստորագրություններով լեգիտիմացնում եք Ադրբեջանի պահանջները։ Դուք փորձել եք լեգիտիմացնել Արցախի հանձնումը, բռնգաղթը, անգամ՝ զոհերը, Զանգեզուրի միջանցքը, անկլավները, անգամ՝ գերիները, որոնցվ հիմա դատում են, Մինսկի խմնբի լուծարումն ու սահմանադրության փոփոխությունները ներառյալ, Հայաստանից 200 քառակուսի կիլոմետրը օկուպացնելը ներառյալ։

Դուք նախաստորագրել եք խաղաղության ինչոր համաձայնագիր, անգամ դրա մեջ գրած է՝ իրար նկատմամբ ատելության խոսքի բացառումը, ու էնտեղ հիմա դատում են հայերի՝ հայ լինելու համար։ Դուք առհասարակ ի՞նչ եք խոսում, ո՞նց եք խոսում, էլ չասեմ որոշումներ շարունակում կայացնել։

Կարճ ասած՝ ոչ թե ընդդիմության թեզերն ջախջախվել օգոստոսի 8-ին, այլ ջախջախվել եք դուք՝ Հայաստանի ՔՊ-ական իշխանությունը։ Ընդդիմությունը, ավելին ասեմ, ոչ միայն ընդդիմությունը՝ քանի դուք եք, էնքան խոսելու բան ունի ու էնքան թեզ ունի։ Էն աստիճանի ձախողած եք, էն աստիճանի վատ ինշխանություն եք, որ խոսելու տեղ ունեն բոլորը, անգամ նրանք, որ ընդհանրապես պետք է խոսելու տեղ չունենային»։