Արմեն Սարգսյանը գնալով ավելի է նյարդայնացնելու հհկականներին
Երբ առաջին անգամ Սերժ Սարգսյանը ներկայացրեց իր առաջարկությունը Արմեն Սարգսյանին՝ ընտրվել ՀՀ նախագահի պաշտոնում, բոլորի համար պարզ էր, որ գործող նախագահն ուզում է փոխել իր իշխանության արտաքին իմիջը հանրության աչքերում: Հհկականները հասկանում էին, որ շեֆը ուզում է «տյունինգի» ենթարկել իր համակարգը, ընդ որում հենց «հին» հհկականների հաշվին: Վերջիններս հազիվ էին համակերպվել Ռուսաստանից եկած «մենեջերի» հետ, հիմա էլ պիտի հաշտվեն «անգլիացու» հետ: «Հները» չեն հասկանում, թե ինչ՞ու պիտի իրենք տանջվեին, ձայներ հավաքեին ընտրությունների ընթացքում, իսկ դրա պտուղները քաղեն «անգլյացիներն» ու «ռուսները»: Բանը հասել է նրան, որ նույնիսկ ,«հին» հհկականներից մեկը Արմեն Սարգսյանին անվանել է «մասոն»: Ինչքան պիտի նեղացված լինեին հհկականները, որ ՀՀ ապագա նախագահին անվանեին, ոչ ավել, ոչ պակաս՝ «մասոն»: Հիշեցնենք, որ այս տերմինը ՀՀԿ -ում հայոյանքի ու թշնամության խորհրդանիշ է համարվում, սակայն հավելենք, որ «մասոնին» ՀՀ ապագա պաշտոնին առաջարկել է … Սերժ Սարգսյանը: Բայց դա քիչ էր, ապագա ՀՀ նախագահը լրագրողների հետ հանդիպման ժամանակ խուսափեց նշել, թե երկրում կա՞ արդյոք քաղբանտարկյալ, թե՝ ոչ: Նշենք, որ Արմեն Սարգսյանը նշեց, դա՝ չուզենալով հստակ դիրքորոշում հայտնել այդ հարցի վերաբերյալ: Իր շփումից երևում էր, որ նա խուսափում է լրագրողներից՝ առաջարկելով վերջիններիս գրավոր հարցեր ուղարկել, ինչը ցույց է տալիս, որ գործ ենք ունենալու նոր «Գագիկ Հարությունյան-2» -ի հետ: Ու եթե այսօր նրա այս պահվածքը նյարդայնացնում է շարքային հհկականներին, ապա վաղը նա կարող է նյարդայնացնել նաև ներկայիս գործող նախագահին: Քանզի բոլոր սկզբունքային ու վճռական պահերին Արմեն Սարգսյանը կամ Լոնդոնում է թաքնվելու, կամ էլ, մեծ մասամբ, լղոզված դիրքորոշմամբ է հանդես գալու:
Արտակ Հակոբյան
Հետևեք մեզ Facebook-ում