Փաշինյանի ու ՀՖՖ-ի «Հայաստանի հավաքական»-ը ջախջախիչ պարտություն կրեց Պորտուգալիայից. 0-5

«Հայաստանի ազգային հավաքականն» ԱԱ-2026-ի եվրոպական ընտրական մրցաշարի F խմբի առաջին տուրում Երևանի Վազգեն Սարգսյանի անվան «Հանրապետական» ստադիոնում 0:5 հաշվով պարտություն կրեց Պորտուգալիայի թիմից։

Մրցակցի կազմից, հեշտուհանգիստ երկուական գոլ խփեցին Կրիշտիանու Ռոնալդուն ու Ժոաու Ֆելիքսը, մի գոլ էլ խփեց Ժոաու Կանսելուն։

Հա, Պորտուգալիայի հավաքականը օբյեկտիվորեն ուժեղ է, հա, դա խոշոր մրցաշարեր հաղթած թիմ է, բայց... տպավորություն էր, որ Եղիշե Մելիքյանն ու նրա գլխավորած թիմն էլ են դաշտ ելել... Պորտուգալիայի խաղը նայելու համար:  

Բառացիորեն ընտրական մրցափուլի նախօրեին, չգիտես ինչու՝ ՀՖՖ-ի առաջարկն ընդունած և հավաքականի գլխավոր մարզիչ նշանակված Եղիշե Մելիքյանի գլխավորած անատամ և խղճահարություն հարուցող թիմը որակավորկան փուլում հաջորդ հանդիպումը կանցկացնի սեպտեմբերի 9-ին:
Երևանում կընդունի Իռլանդիայի հավաքականին։ Երևի մեծ հաջողություն կլինի, որ հաջորդ խաղում այս «փաշինյանական» հավաքականը մի 20-0 չպարտվի: 
Սա ֆուտբոլի հավաքական չի, սա խաղադաշտում անիմաստ այսուայնկողմ վազվզողների հավաքական խայտառակություն է: 
Մյուս կողմից, դարավոր թշնամու առաջ գետնատարած փռված ու թուրքական օրակարգեր սպասարկող իշխանություն ունենալու դեպքում առնվազն ծիծաղելի կլիներ ակնկալել, որ ֆուտբոլի հավաքականը ինչ-որ այլ բանի է ընդունակ՝ խոշոր ու ամոթալի հաշիվներով պարտվելուց բացի:  
Այդպես չի լինում, որ պարտվում ես ամեն ինչում, իսկ ֆուտբոլում հանկարծակի հաղթում ես: