Ամերիկացիները պաշտոնապես «քցեցին» քրդերին, բայց...

Պենտագոնի պաշտոնական ներկայացուցիչ Էրիկ Պահոնը թուրքական լրատվամիջոցներից մեկին տված հարցազրույցում ներկայացրել է Վաշինգտոնի պաշտոնական դիրքորոշումը Աֆրինում անցկացվող Թուրքիայի զինված ուժերի գործողությունների վերաբերյալ: Նա նշել է, որ այս հարցում միացյալ նահանգները չեն պաշտպանում քրդերին, և Աֆրինում ըմբռնումով են վերաբերվում Թուրքերի գործողությանը: Սակայն միաժամանակ նա նշել է, որ եթե թուրքական զորքը փորձի Աֆրինից հետո գրոհներ սկսել Մանբիջ քաղաքի ուղղությամբ, արդեն ամերիկացիների կողմից կստանա լուրջ հարված: 

Թուրք վերլուծաբանների կարծիքով ամերիկացի զինվորականի այս տեսակետը հուշում է, որ ամերիկացիները դեմ չեն լինի, եթե թուրքական գրոհները շարունակվեն Հալեպի ուղղությամբ, որտեղ ինչպես հայտնի է, օբյեկտիվորեն կարող են բախվել ռուսների և Ասադի բանակի հետ: 

Ըստ թուրքերի, ամերիկացիները կարծես հուշում են Անկարային, որ կողջունեն ռուս - թուրքական հնարավոր բախումը, և քրդերի հնարավոր հանձնման գինը հենց դա կարող է լինել: 

Հակոբ Կարապետյան