Իրավունքի պաշտպանության երկրորդ ամառային դպրոցի ընդունելությունն ավարտվել է

«Հինգ իրավապաշտպանների նախաձեռնությունը»  հայտնում է, որ իրենց կողմից կազմակերպվող՝ Իրավունքի պաշտպանության երկրորդ ամառային դպրոցի ընդունելությունն ավարտվել է։ Ընտրվել են 6 բուհեր ներկայացնող 12 դիմորդներ։

Ամառային դպրոցն անցկացվելու է 2025 թվականի օգոստոսի 18-ից 23-ը Գոշավանքում (Տավուշի մարզ, գյուղ Գոշ): Դրա շրջանակներում մասնակիցներին գիտելիքներ ու հմտություններ կփոխանցեն իրավապաշտպանության հարուստ փորձառություն ունեցող մասնագետները։ Դասընթացին մասնակցությունն անվճար է, իսկ մասնակիցներից միայն պահանջվում է պարտավորվել առաջիկայում մասնակցել Արցախից բռնի տեղահանվածներին կամ խոցելի այլ խմբերին անվճար իրավաբանական օգնության որևէ ծրագրի։

Ամառային դպրոցի գործընկերներն են Ամերիկայի հայ իրավաբանական միությունը (Armenian Bar Association), Ռուսաստանի հայ իրավաբանների միությունը (Ассоциация армянских юристов), և Հայ-գերմանական իրավաբանների միությունը (Deutsch-Armenischen Juristenvereinigung)։
Աղբյուրը` Panorama.am