Մեր ազգային եկեղեցուն պատերազմ հայտարարած Փաշինյանը հայհոյախոսությունից «զադնի է դնում». ինչո՞ւ

Եվ այսպես. երկրում զազրախոսության թիվ 1 «գեներատոր», հատկապես վերջին շրջանում Հայ առաքելական եկեղեցու բարձրաստիճան հոգևորականների հասցեին ամենակեղտոտ ու աններելի բառաաղբապաշարով հանդես եկող Նիկոլ Փաշինյանը գրառում է արել, թե՝ «...Ես առաջարկում եմ հուլիսի 1–ը որպես կոնսենսուսի մեկնարկի ամսաթիվ եւ այս պահից մինչեւ հուլիսի 5–ը վետո եմ դնում իմ կողմից «պարականոն» բառապաշարի եւ խոսույթի կիրառման վրա։ Հուլիսի 5–ին կկիսեմ իմ տպավորությունը, թե ինչ արձագանք է գտել առաջարկը հանրության եւ սոցիալական ցանցերի օգտատերերի շրջանում։»:
 
Այս ամենը ծայրահեղ անլրջության տպավորություն է թողնում: Թեպետ, ի՞նչ կարելի էր սպասել մի անձից, ով մեծ տարբերություն չի տեսնում «ճղճղան սենսացիաների» թերթի խմբագիր լինելու և վարչապետի պաշտոնն զբաղեցնելու և դրա պատասխանատվության բեռի միջև: Ի՞նչ սպասել մեկից, ով գործնականում, կարծես, չի պատկերացնում, որ նույնիսկ սոցցանցերում արած իր անընդունելի գրառումները համարվում ու ընկալվում են որպես երկրի ղեկավարի պաշտոնն զբաղեցնողի պաշտոնական հայտարարություն: Մեկը, ով կոպտորեն խախտում է արդարադատության բոլոր սկզբունքները և ֆեյսբուքյան գրառմամբ հրահանգներ տալիս դատավորներին, իրավապահ համարվող մարմիններին: 
Մյուս կողմից, տարբեր վարկածներ կան, թե ինչո՞ւ է Փաշինյանը «զադնի դնում»:
Կան հիմնավոր ենթադրություններ, որ նա ինչ-որ պայմանավորվածություններ ունի: Չնայած, անպատկերացնելի է, թե ինչպես է հնարավոր Փաշինյանի հեի որևէ բան պայմանավորվել, կամ համարել, թե նրա նման մեկը կարող է որևէ պայմանավորվածություն պահել:
Բայց կա նաև վարկած, որ ֆեյսբուքում Փաշինյանի հակաեկեղեցական ու հայհոյախոսական գրառումների դեմ տարբեր օգտատերեր բողոքել են, ու ֆեյսբուքը արգելափակել ու հեռացրել է այդ գրառումները: 
Մյուս վարկածն էլ այն է, որ Փաշինյանին զեկուցել են, որ իր հայհոյախոսական գրառումներն էլ ավելի են վատացրել նրա «վարկանիշային» վիճակը: Այն շուտով թերևս կհավասարվի Փաշինյանի գրառումների շրիշակային «մակարդակին»: 
Մյուս կողմից, Փաշինյանը եթե շատ է ուզում, թող 5 օր չզազրախոսի, բայց՝ «ձեռք ես տվել, պիտի խաղաս», այսինքն՝ մյուս բոլորին ոչ ոք չի կարող արգելել, որ իրենց ուզածն ասեն նրա գրառումների տակ: Ու ոչ միայն: 
Փաշինյանի իշխանությունը բոլոր հայերի սրբության վրա է հարձակվել ու համարձակվել - գրոհել Մայր Աթոռն ու Վեհարանի վրա: Ինչո՞ւ պիտի բոլոր հայերը դա ներեն կամ անարձագանք թողնեն. «պարականոն», թե կանոնիկ, ոսկեղենիկ, թե՝ ոչ այնքան: 
Ա.Հակոբյան
Zham.am