Կդառնան արդյոք ռուսաստանցի հայ օլիգարխները Մալտայի քաղաքացիներ

Հիշեցնենք, որ օրերս ԱՄՆ ֆինանսների նախարարությունը պատրաստել էր պատժամիջոցների համար նախատեսված այսպես կոչված «Կրեմլյան ցուցակ», որի մեջ նեռարված էին մի շարք ռուսաստանցի հայ օլիգարխներ և մասնավորապես, Սամվել Կարապետյանը, Դանիիլ Խաչատուրովը և Սերգեյ Գալիցկին: Ու թեև հնարավոր է, որ նրանք ուղակի պատժամիջոցների թիրախի դերում չհայտնվեն, այնուամենայնիվ, նրանց հաշիվները մշտական սպառնալիքի տակ կլինեն: Փորձագետների կարծիքով, ԱՄՆ-ն փաստացի տնտեսական պատերազմ է հայտարարել Ռուսաստանին, որից կարող են տուժել ռուսաստանցի շատ մեծահարուստներ: Դրանից խուսափելու համար շատերը փոխում են իրենց քաղաքացիությունը: Օրինակ, վերջին մեկ տարվա ընթացքում ավելի քան 730 ռուս մեծահարուստ դարձել են Մալտայի քաղաքացի: Փորձագետների կարծիքով, ներկա դրությամբ Մալտան ամենահարմար վայրն է մեծահարուստ ռուսաստանցիի փախուստի համար: Օրինակ, ընդհամենը 900 000 դոլարի ներդրման դիմաց կարելի է ստանալ այդ երկրի քաղաքացիությունը: Կիպրոսում այն կազմում է 2 000 000 դոլար: Ավելին, այդ չափի ներդրումների դիմաց քաղաքացիություն տրամադրում են նաև ներդրողի ընտանիքի բոլոր անդամներին:

Նշենք, որ արդեն Մալտայի քաղաքացիներ են դարձել ռուսաստանցի հայտնի մեծահարուստներ, Արկադի Վոլոժան /Yandex.ru-ի ղեկավար և գլխավոր տնօրեն/, Բորիս Մինցը, Ալեքսեյ Մարեյը, Ալեքսամդր Նեսիսը, ալկոհոլային խմիչքների արքա Ալեքսանդր Մեչետինը և այլն:

Իսկ կդառն՞ան արդյոք նաև «մալտիացիներ » տաշիրցի Կարապետյանն ու ապահովագրող Խաչատուրովը, կիմանաք մոտ ժամանակներս:

Zham.am