Թղթային ուղետոմսերը վերացնելով՝ մարդկանց ստիպելու են փաթեթներ գնել․ Մանուկ Սուքիասյան (տեսանյութ)

Երևանի քաղաքապետ Տիգրան Ավինյանը հայտարարել է, որ հնարավոր է՝ օգոստոսի 1-ից սկսած տրանսպորտի ուղետոմսի թղթային տարբերակը՝ QR-ները, վերացնեն։ Նա ընդգծել է․ որ ուղեվարձի թերհավաքագրման խնդիրներից մեկը դա է։ Այս կապակցությամբ Oragir.News-ը մեկնաբանություն է խնդրել Երևանի ավագանու «Մայր Հայաստան» ընդդիմադիր խմբակցության ղեկավար Մանուկ Սուքիասյանից, ըստ որի՝ նպատակը հետապնդումն է, հարկադրելը, որ մարդիկ փաթեթները գնեն, միանգամից մեծ գումար մուտք լինի քաղաքային բյուջե՝ որպես հասույթ, անկախ այն բանից՝ կօգտվե՞ն, թե՞ չեն օգտվի․

«Նախորդ նիստի ժամանակ ինքն էլ բարձրաձայնել էր, որ տրանսպորտային համակարգի հավաքագրումները շատ խոցելի չափով են իրականացվում։ Այս ամենը դրա հետևանքն է, քաղաքացու հանդեպ հոգեբանական, իրավական և քաղաքական բիրտ ուժ կիրառելու դրսևորում է»,-ասաց Մանուկ Սուքիասյանը, ապա հավելեց,-«Ասում են՝ վա՜յ, ընդդիմության կոչից ելնելով, մարդիկ մեծ թվով բոյկոտում են։ … Բայց կա մեկ խնդիր։ Ճանաչում եմ մեծ թվով մարդկանց, որոնք չեն մասնակցում բոյկոտին, բայց նրանց բանկային քարտը նորմալ չի ընթերցում վալիդատորը, և այդ մարդիկ դառնում են ակամա բոյկոտողներ»։

Մանրամասները տեսանյութում: