Փաշինյանական սատելիտները հերթական հակառուսական ակցիան են արել... Ֆրանսիայի հրապարակում

Երևանի Ֆրանսիայի հրապարակի կենտրոնում, շրջանաձև անցման ծաղկապատված հատվածում ինչ-որ անձինք տնկել են Ռուսաստանի դրոշը՝  վրան թուրքական դրոշի կիսալուսնի ու աստղի նշանով: Խոսքն այն հատվածի մասին է, որտեղ 2022 թվականի գարնանից կենտրոնում զետեղված է Արցախի դրոշը: 

Դժվար չէ ենթադրել, որ նման բան կարող էին անել վերջին շրջանում հակառուսական սակավամարդ, բայց բավականին ճղճղան ակցիաներով աչքի ընկած փաշինյանական իշխանության սատելիտները, այսպես կոչված՝ «արևմտամետները», որոնք գործնականում կարելի է ասել՝ թրքամետ են:

Ինչո՞ւ են այսօր դա արել: Նույնպես պարզ է, քանի որ այսօր ՌԴ-ում նշում են «Ռուսաստանի օրը»: Դե, նիկոլական արևմտամետ-թրքամետներն էլ նման ակցիայով «շնորհավորել» են: 

Այդ «ակցիայի» հավելյալ սարկազմն այն է, որ Ֆրանսիայի հրապարակում Ռուսաստանի դրոշն են նման աղավաղված տեսքով ոմանք տնկել: Մինչդեռ, եթե Ռուսաստանի դրոշը տնկվեր 90 աստիճան պտույտով, միգուցե ավելի տեղին կլիներ: Գույների երիզներով Ռուսաստանի ու Ֆրանսիայի դրոշները բավականին նման են, պարզապես երիզների հերթականությունն է մի փոքր այլ: Ինչևէ, Ֆրանսիայի դրոշը նման «սիմվոլիկայով» տնկելն ավելի տեղին կլիներ, քանի որ 2022թ. հոկտեմբերի 6-ին, Պրահայում, երբ Փաշիյնանը Արցախն ուրացավ ու այն ճանաչեց ադրբեջանական, այդ ուրացման «քավորը» եղել է հենց Ֆրանսիան՝ Մակրոնի գլխավորությամբ: Հա, իսկ Ռուսաստանը հանդես էր գալիս Արցախի կարգավիճակի հարցը հետագայում քաղաքական բանակցություններով լուծելու դիրքերից: 
Կարճ ասած, նիկոլական «եվրոպամետները» երևի ավելի շուտ պիտի իրենք իրենց պատկերները տնկեն նման տեղերում՝ թուրքական դրոշի կիսալուսնով, որովհետև հայության հանդեպ գործված ոճիրի հովանավոր-խրախուսողները եղել են իրենց սիրելի Եվրամիությունն ու Ֆրանսիան: Ու դա անհերքելի փաստ է: Ցավոք, արդեն պատմական:
 ---
Հ.Գ. Նկարներում երևացող սպիտակ-կապտավուն դրոշակները քաղաքականության հետ կապ չունեն, դրանք Արամ Խաչատրյանի միջազգային մրցույթի մասին ազդարարող պաստառներ են: 

Zham.am