Արզնիում հնչած կրակnցներին մասնակից են եղել Ռոմանոս Պետրոսյանի քեռին և Նիկոլ Փաշինյանի օգնականի եղբայրը
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Հետևեք մեզ Facebook-ում
Երեկ երեկոյան Արզնիի «Avenue Arzni» հյուրատանը Արզնիի համայքապետի կողմից կազմակերպված խնջույքի ժամանակ կրակոցներ են հնչել, որի հետևանքով կան վիրավոր և բերման ենթարկված անձինք։ Այսօր հայտնի դարձավ, որ բերման ենթարկված անձանցից են Արզնու համայնքապետ Ֆելիքս Միրզոևը, 35-ամյա Դավիթ Վանյանը, 34-ամյա Վիրաբ Վիրաբյանը, 32-ամյա Աշուր Իլյայեևը, 53-ամյա Կառլեն Սիմոնովը, 46-ամյա Արկադի Մոիսեևը, 39-ամյա Ալբերտ Սարկիսովը:
MediaHub-ի տեղեկություններով՝ բերման ենթարկվածներից Դավիթ Վանյանը ՊՎԾ ղեկավար Ռոմանոս Պետրոսյանի քեռու տղան է, որը միաժամանակ համայնքապետի ստվերային կուրատորն է համարվում, իսկ կռվին անմիջական մասնակցություն են ունեցել Նիկոլ Փաշինյանի օգնական, նախկինում ՔՊ խմբակցության պատգամավոր Արսեն Միխայիլովի եղբայրը՝ Սուրեն Միխայիլովը և նրա որդիները։
ՆԳՆ-ից մեզ հայտնեցին, որ այս պահի դրությամբ ինը անձ խուլիգանության կասկածանքով բերման է ենթարկվել ոստիկանության համայնքային բաժին, սակայն անուններ չտվեցին, թե ովքեր են։ Նկատենք, որ մամուլում հրապարակված անունների մեջ ևս Փաշինյանի օգնականի եղբոր ու նրա տղաների անունները չկան։