Ինչ ունեցվածք ունի կանանց գաղութի պետը. Պետական կառույցները պայմանագրեր են կնքել նրա «Աֆրիկյաններ պանդոկ»-ի հետ

«Հայկական ժամանակ» թերթը գրում է.  «Աբովյան» քրեակատարողական հիմնարկի պետ Արսեն Աֆրիկյանը պատկառելի  ունեցվածքի տեր է: Դա երևում է նրա՝ ՀՀ բարձրաստիճան պաշտոնատար անձանց  էթիկայի հանձնաժողով ներկայացրած հայտարարագրի ուսումնասիրությունից:

Ըստ այդմ, Աֆրիկյանն ունի մեկ առանձնատուն, 1 բնակարան, հասարակական նշանակության 1 շինություն, ոչ բնակելի 1 տարածք, 6 հատ հողամաս: Որպես շարժական գույք նա հայտարարագրել է «Lexus LX» և «Ford Transit»  տեսակի ավտոմեքենաներ: Նա հայտարարագրել է նաև 8 մլն դրամը գերազանցող  կահույք:

Պաշտոնը ստանձնելու օրվա դրությամբ Արսեն Աֆրիկյանը հայտարարագրել է 45  միլիոն դրամ, 125 հազար ԱՄՆ դոլար և 15 հազար եվրո: Որպես եկամուտ նա  հայտարարագրել է ընդամենը 2 միլիոն 595 հազար դրամ գումար:

Բայց սա ամենը չէ: ՔԿՀ ղեկավարի ընտանիքին է պատկանում նաև «Աֆրիկյաններ պանդոկ» ՍՊԸ-ն: Ընկերության տնօրենը նրա կինն է՝ Անժելա Աֆրիկյանը: Այս ռեստորանի  ծառայություններից օգտվում են նաև պետական կառույցները: Արսեն Աֆրիկյանը  2010 թվականին հիմնադրել է նաև «Մաֆ Ֆուդ» ընկերությունը 2017 թվականի  հունիսին «Դատապարտյալների հիվանդանոց» քրեակատարողական հիմնարկի պետ Արսեն Աֆրիկյանը ազատվել է պաշտոնից և նշանակվել «Աբովյան» ՔԿՀ-ի (կանանց  գաղութ) ղեկավար»:

Առավել մանրամասն՝ «Հայկական ժամանակ»  թերթի այսօրվա համարում: